Vertikal fermalar - shahar issiqxonalarining kelajagi
Yirik shahar manzaralari tobora baland binolar bilan to‘ldirilmoqda. Osmono‘par binolarni qurish urfi esa hatto konservativ Skandinaviyagacha yetib bordi. Masalan, Shvetsiyadagi Linchyoping shaharchasida g‘aroyib bino qurish rejalashtirilgan. Mazkur g‘aroyib inshoot vertikal issiqxona bo‘lib, shahar aholisini oziq-ovqat mahsulotlari bilan ta'minlash maqsadida sarxil sabzavot va mevalarni yetkazish xarajatlarini kamaytirishga mo‘ljallangan. Travelask.ru ana shu bino haqidagi qiziqarli ma'lumotlarni taqdim etadi.

Bino noodatiy me'moriy yechim - ofis binolari va issiqxonalar gibridi. Yorug‘lik va issiqlik maksimum darajada bo‘lgan janubiy tomonda sabzavotlarni yetishtirish uchun xonalar, binoning soya qismida esa maydonning 2/3 qismini egallagan ofislar joylashadi. Loyiha The World Food Building nomini oldi, binoni qurish ishlari esa 2012 yilda boshlangan. Loyiha mualliflarining hisob-kitoblariga ko‘ra, ushbu vertikal issiqxona 500 tonnadan ortiq foydali sabzavotlarni yetishtirib, 5 ming nafarga yaqin shahar aholisini sarhil mahsulotlar bilan ta'minlay oladi.

O‘simliklar gidroponika usulida yetishtirilishi rejalashtirilgan. Issiqxonalarda zarur iqlim ko‘rsatkichlarini ta'minlash uchun kompyuter texnikasidan foydalaniladi, yetishtirishning ayrim bosqichlarida esa odamlar o‘rniga robotlashtirilgan tizimlar ishlaydi. Fermerlik shaharchasining o‘zi yangi emas, ana shunga o‘xshash konsepsiyalar butun dunyoda amalga oshirilmoqda. Ishlab chiqaruvchilarning oziq-ovqat mahsulotlarini iste'molchilarga yaqin joyga joylashtirishga bo‘lgan intilishi mantiqan to‘g‘ri. Axir yetkazish vaqtida saqlash muddati qisqaradi, tabiiyki, mahsulot sifati ham o‘zgaradi. Shuning uchun zamonaviy kompaniyalar ko‘kat va sabzavotlar ishlab chiqaruvchi issiqxona majmualarini megapolislarning o‘zida joylashtirishmoqda. Buning uchun tashlandiq ishlab chiqarish binolaridan foydalanishyapti. Shu bilan birga, aynan vertikal yetishtirish bilan shug‘ullanadigan kompaniyalar u qadar ko‘p emas. Ular asosan AQSh hududida faoliyat yuritadi.

Ana shu kabi loyihalar moliyalashtirish, yorug‘likni tanlash kabi sohalarda nostandart texnik yechimlarni izlash borasida bir qator qiyinchiliklarga duch keladi. Biroq shunga qaramay, kelajak - vertikal fermalar bilan. Chunki aynan shunday shakl megapolislar sharoitida yuqori qiymatga ega joyni tejash imkonini beradi.
Tavsiya etamiz
Qatiq, murabbo va yadro quroli. Putin yangi filmda nimalar dedi?
Jahon | 21:59 / 06.05.2025
Avtomobil importiga ekosertifikat – utilizatsiyaga qo‘shimcha “bonus”mi?
O‘zbekiston | 20:34 / 06.05.2025
Isroil Suriyani bombaladi. Turkiya nega sukutda?
Jahon | 12:44 / 06.05.2025
May oyida vodiyda me’yorga yaqin harorat kutiladi, mamlakatning katta qismida oy xuddi iyun kabi o‘tadi
O‘zbekiston | 11:17 / 06.05.2025
So‘nggi yangiliklar
-
Tutanxamon xazinasining bir qismi yangi muzeyga ko‘chirildi
Jahon | 02:18
-
Meksika Google korporatsiyasini sudga berdi
Jahon | 00:27
-
“Harvard bu raundni yutdi”: universitet AQSh ta’lim vazirining xatolarga to‘la xatini tekshirib, o‘ziga qaytarib yubordi
Jahon | 00:01
-
Britaniyada uchuvchi o‘ng va chapni adashtirib yuborgani uchun samolyotda yong‘in chiqdi
Jahon | 23:57 / 09.05.2025
Mavzuga oid

07:45 / 21.04.2025
Xitoy bilan hamkorlikda issiqxonalar uchun «aqlli» plyonka ishlab chiqariladi

16:06 / 13.03.2025
«Oltiariqdagi issiq bog‘» - issiqxonada o‘rik yetishtirayotgan eskiarablik bog‘bon hikoyasi

10:45 / 21.02.2025
Toshkent viloyatida gazdan o‘g‘rincha foydalangan issiqxonalar aniqlandi

08:16 / 17.02.2025