8518.68 USD +5.11

9652.52 EUR +145.42

131.33 RUB +0.92

10847.7 GBP +94.20

17:15 / 03.06.2019 7154

Трамп Лондонга Европа Иттифоқига 39 млрд фунт стерлинг тўламасликни тавсия қилди

АҚШ президенти Дональд Трамп Буюк Британияга 3 июнда бошланадиган расмий ташрифи арафасида Лондонга Brexit бўйича Европа Иттифоқи билан битим тузиш бўйича музокараларга ЕИдан чиқиш тарафдори Найжел Фаражни юборишни таклиф қилди. Трампнинг фикрича, агар Брюссель таклиф қиладиган келишув Буюк Британияни қондирмаса, унда Лондон блокдан битимсиз чиқиши керак. У бундай фикрни Sunday Times нашрига интервьюда билдирган.

АҚШ президентининг фикрича, Британия Европа Иттифоқини жорий йилда тарк этиши лозим. Трампнинг айтишича, у британияликлар ўрнида бўлганда “ўзи истаган нарсасини ололмаганда, кетган бўларди”.  “Агар ҳалол битимни тузишга муваффақ бўлолмасангиз, сиз кетасиз”, деб таъкидлаб ўтган Трамп.

Шунингдек, АҚШ президенти Бирлашган Қироллик Европа Иттифоқидан битим тузилиши ёки тузилмаслигига қарамай 31 октябрда чиқиши кераклигини айтаётган, Британия бош вазири лавозимига номзодларни қўллаб-қувватлашини таъкидлаб ўтган. Бундай номзодлар орасида Британиянинг собиқ ташқи ишлар вазири Борис Жонсон, Brexit масалалари бўйича собиқ вазир Доминик Рааб ва амалдаги ички ишлар вазири Сажид Жавид бор.

Трамп Лондон Европа Иттифоқи билан келишув бўйича Брюсселга Brexit учун тўлаши керак бўлган сумма – 39 млрд фунт стерлинг (50 млрд доллар) ҳақида тўхталиб, “Уларнинг ўрнида бўлганимда, тўламаган бўлардим. Бу жуда катта қиймат”, деб айтган.

Top