8535.74 USD +17.06

9566 EUR -86.52

132.57 RUB +1.24

10746.5 GBP -101.19

12:20 / 10.06.2019 2778

Буюк Британия элчиси Ўзбекистондаги фаолиятини якунламоқда

10 июнь куни Ўзбекистон ташқи ишлар вазири Абдулазиз Комилов мамлакатдаги миссиясини якунлаётган Буюк Британия ва Шимолий Ирландия Бирлашган Қироллиги фавқулодда ва мухтор элчиси Кристофер Алланни қабул қилди, дея хабар қилди ТИВ матбуот хизмати.

Суҳбат чоғида Ўзбекистон — Буюк Британия муносабатларининг долзарб масалалари муҳокама қилинди ва жорий йилда ўзаро ҳамкорликни ривожлантириш истиқболлари юзасидан фикр алмашилди.

10−11 июль кунлари Лондон шаҳрида ўтказиладиган ОАВ эркинлиги бўйича Глобал конференцияда Ўзбекистон делегацияси иштирокининг амалий жиҳатларига алоҳида эътибор қаратилди.

Учрашув сўнгида вазир Кристофер Алланга унинг элчи сифатидаги саъй-ҳаракатлари ва сермаҳсул фаолияти учун миннатдорчилик билдирди.

Элчи ўз навбатида Ўзбекистон ва ТИВ раҳбариятига ўзининг Буюк Британия дипломатик ваколатхонаси раҳбари сифатидага вазифаларини самарали бажаришида кўрсатилган кўмак учун миннатдорчилик изҳор этди.

Кристофер Аллан 2015 йилнинг кузида Буюк Британия элчиси этиб тайинланган эди.

Top