AQSh Mustaqillik kunini nishonlamoqda. Mirziyoyev Trampga tabrik yo‘lladi

O‘zbekiston Respublikasi prezidenti Shavkat Mirziyoyev 4 iyul kuni Amerika Qo‘shma Shtatlari prezidenti Donald Trampga Mustaqillik kuni munosabati bilan tabrik yo‘lladi. Bu haqda davlat rahbari matbuot xizmati xabar bermoqda.

Bugun AQSh o‘zining asosiy umummilliy bayrami - Mustaqillik kunini nishonlamoqda. Bu yil Amerika Britaniya hukmronligidan ozod bo‘lganiga 243 yil to‘ldi.

4 Iyul AQSh milliy bayrami bo‘lib, ushbu tadbir munosabati bilan turli tadbirlar, konsertlar uyushtiriladi, prezident tabriklaydi, umummilliy sayl bo‘lib o‘tadi. Shu jumladan, AQSh barcha elchixonalarida Mustaqillik kuni munosabati bilan qabullar va tantanali tadbirlar o‘tkaziladi.