8584.5 USD +6.14

9673.87 EUR +45.52

136.34 RUB +1.82

10793.3 GBP +50.61

12:18 / 05.07.2019 27352

Самарқандда ФВВ ходимлари томонидан 24 киши қутқарилди

2019 йилнинг 4 июль куни соат 10:05да Самарқанд вилояти Фавқулодда вазиятлар бошқармаси навбатчилик хизматига телефон орқали Тойлоқ тумани “Зарафшон” маҳалласи “Мирзаполвон” қишлоғида яшовчи фуқаро Ҳ.А. мурожаат қилиб ёрдам сўраган. Бу ҳақда ФВВ хабар бермоқда.

Фото: ФВВ матбуот хизмати

Маълум бўлишича, 3 июль куни Зарафшон маҳалласи Мирзаполвон қишлоғи ҳудудидан оқиб ўтувчи қисмида жойлашган, ўзлаштирилган ер майдонида деҳқончилик қилиш учун оролчага 24 нафар маҳаллий фуқаро дарёни кечиб ўтишган. Аммо, сув сатҳи кўтарилганлиги туфайли оролдан яшаш пунктига қайтиш имкони бўлмаган.

Мазкур ҳолат бўйича, вилоят Фавқулодда вазиятлар бошқармаси бошлиғи раҳбарлигида жами 4 нафар ҳарбий хизматчи ва 6 нафар қутқарувчи зудлик билан белгиланган ҳудудга етиб боришди. 

Фото: ФВВ матбуот хизмати

Олиб борилган тезкор ҳаракатлар натижасида, оролчада қолиб кетган 24 нафар фуқаро тан жароҳатисиз махсус кичик ҳажмли кемада қирғоққа олиб ўтилди.

Фото: ФВВ матбуот хизмати
Фото: ФВВ матбуот хизмати
Фото: ФВВ матбуот хизмати

Теглар

Top