Foto: REUTERS/Joshua Lott/File Photo
AQSh prezidenti Donald Tramp ma'muriyati Xitoy bilan savdo urushi tufayli fermerlarni qo‘llab-quvvatlashni kuchaytirdi, deb yozadi Washington Post.
Nashrning ma'lumot berishicha, o‘tgan yili har bir zarar ko‘rgan fermerga 125 ming dollardan to‘langan, bu yil esa to‘lovlar 250 ming dollargacha oshirilgan. Shu bilan birga, soya, sabzavotlar va cho‘chqa go‘shti yetishtirish bilan shug‘ullangan yuridik shaxslar 500 ming dollargacha olishi mumkinligi qayd etilgan. Nashrning xabariga ko‘ra, fermerlarning yarmi moddiy yordamni avgust oxiriga qadar olishadi.
AQSh prezidenti Donald Tramp may oyida amerikalik fermerlarga yordam tariqasida 16 milliard dollar ajratilishini e'lon qilgandi. Mablag‘lar Xitoy mahsulotlariga kiritiladigan bojlardan olinadi.
