Belarus va O‘zbekiston turizm sohasida hamkorlikni rivojlantiradi

Belarus va O‘zbekiston turizm sohasidagi hamkorlikni bundan buyon ham rivojlantirib boradi, buning uchun barcha imkoniyatlar mavjud, dedi Belarus sport va turizm vaziri o‘rinbosari Mixail Portnoy O‘zbekiston turizmni rivojlantirish davlat qo‘mitasi raisi vazifasini bajaruvchisi Abdulaziz Aqqulov bilan uchrashuvda.

O‘zaro muzokaralar Minskdagi "BelEkspo" milliy ko‘rgazma markazida bo‘lib o‘tdi. Tomonlar turizm sohasidagi aloqalarni mustahkamlash masalalarini muhokama qildi.

O‘zbekiston delegatsiyasi Belarus fanlar akademiyasida O‘zbekiston turizm salohiyati taqdimotini o‘tkazdi. Belarusliklarda turizmda IT-texnologiyalardan foydalanish, masalan, mamlakatning diqqatga sazovor maskanlari haqida to‘qqizta tilda hikoya qiluvchi virtual gid katta qiziqish uyg‘otdi.

Eslatib o‘tamiz, O‘zbekiston prezidenti Shavkat Mirziyoyev Belarus prezidenti Aleksandr Lukashenkoning taklifiga binoan 31 iyul — 1 avgust kunlari rasmiy tashrif bilan ushbu mamlakatda bo‘ladi.