“Yer resurslaridan samarali foydalanish va uni muhofaza qilish ustidan davlat nazoratini o‘rnatishda avtomatlashtirilgan axborot tizimini joriy etish chora-tadbirlari to‘g‘risida”gi prezident qarori loyihasi muhokama uchun e'lon qilindi.
Qayd etilishicha, yer resurslarini muhofazasiga oid amaliyot tahlili ushbu sohada bir qator tizimli muammo va kamchiliklar mavjudligini ko‘rsatgan, xususan:
birinchidan, yer resurslarini muhofazasiga oid amaldagi qonunchilik normalarida vakolatli davlat organlarining huquqlaridan samarali foydalanishga to‘sqinlik qiluvchi huquqiy bo‘shliqlar mavjudligi jumladan, yuridik shaxs bo‘lgan tadbirkorlik sub'yektlari tomonidan sodir etilgan yerga oid ma'muriy huquqbuzarliklar to‘g‘risidagi ishlarni maxsus vakolatli organlar tomonidan to‘g‘ridan-to‘g‘ri ko‘rib chiqish mexanizmi mavjud emasligi;
ikkinchidan, yerga oid huquqbuzarliklarni o‘z vaqtida aniqlash, ortiqcha qog‘ozbozlik va hisobotbozlikka chek qo‘yilmaganligi, yerlarni muhofaza qilishning ta'sirchan mexanizmini qo‘llash imkoniyatining cheklanganligi, yer qonunbuzilishlarni uzoq muddatda ko‘rib chiqilishi tadbirkorlik sub'yektlari va fuqarolarni ortiqcha ovoragarchiligiga, ayrim ushbu bilan bog‘liq jarayonlarda korrupsion holatlar kelib chiqishiga, yerga oid qonunbuzilishlarni ko‘plab va takroran sodir etilishiga, oxir oqibat o‘zboshimchalik bilan egallangan yer uchastkalari qonuniy yerdan foydalanuvchisiga qaytarilmasdan qolib ketayotganligi;
uchinchidan, yerlardan foydalanish va ularni muhofaza qilishni nazorat qilish bo‘yicha maxsus vakolatli organ - O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasining davlat yer inspektori shtat birligida faoliyat ko‘rsatayotgan xodimlar sonini cheklanganligi, hattoki ayrim tuman va shaharlarda esa davlat yer inspektori shtatlari umuman mavjud emasligi, natijada ushbu hududlarda yer nazoratini tashkil etish imkoni bo‘lmayotganligi;
to‘rtinchidan, yer resurslarini muhofaza qilishda rag‘batlantiruvchi normalar va jamoatchilik ta'sir choralarining mavjud emasligi, yerga oid huquqbuzarliklarning oldini olish, shuningdek fuqarolarga yerlardan foydalanish va ularni muhofaza qilishda yuksak huquqiy madaniyat va qonunga hurmat hissini singdirish borasidagi targ‘ibot-tashviqot ishlarining yetarli darajada emasligi;
beshinchidan, yerdan foydalanuvchilar tomonidan tuproq unumdorligini oshirganligi uchun rag‘batlantirish yoki aksincha tushirib yuborganlik uchun ta'sirchan choralarni qo‘llash mexanizmining mavjud emasligi;
