14:32 / 31.08.2019
2
100132
Нуриймон Абулҳасаннинг янги иш жойи маълум бўлди

Вазирлар Маҳкамаси ҳузуридаги Дин ишлари бўйича қўмита раиси собиқ ўринбосари Нуриймон Абулҳасаннинг янги иш жойи маълум бўлди.

Нуриймон Абулҳасан

Kun.uz ахборот манбаси хабарига кўра, Нуриймон Абулҳасан Ўзбекистон Республикаси Ички ишлар вазирлиги Терроризм ва экстремизмга қарши курашиш бош бошқармаси раҳбари лавозимига тайинланган.

Дин ишлари бўйича қўмита раиси ўринбосари - Диний-ижтимоий жараёнларни ўрганиш ахборот-таҳлил маркази директори сифатида ишлаб келган Нуриймон Абдулҳасан 1994 йилда Тошкент ислом институтини (олий маъҳад), 1997 йилда Миср Ал Азҳар университетини тамомлаган.

У бундан аввал Дин ишлари бўйича қўмита, президент девонининг Миллатлараро ва дин масалалари бўйича хизматида ва Ички ишлар вазирлиги тизимида фаолият юритган.

Эслатиб ўтамиз, 2018-2019 йилларда полковник Дониёр Қодиров ИИВ Терроризм ва экстремизмга қарши курашиш бош бошқармаси бошлиғи сифатида ишлаб келган. У 2019 йилнинг мартидан Ўзбекистон Республикаси ИИВ Транспортда хавфсизликни таъминлаш бош бошқармасига раҳбар бўлган, июнь ойидан ички ишлар вазирининг Туризм ва транспорт объектларида хавфсизликни таъминлаш бўйича ўринбосари сифатида ишламоқда.

Ушбу хабарга фикрингизни билдиринг. Бунинг учун авторизациядан ўтишингиз керак!
Top