00:33 / 02.10.2019
0
2575
ШҲТ давлатлари бош прокурорлари наркотрафик ва контрабандага қарши курашни муҳокама қилишди 
Фото: РИА "Новости"

Шанхай Ҳамкорлик Ташкилоти давлатлари бош прокурорлари Бишкекдаги йиғилишда наркотрафик ва контрабандага қарши курашни муҳокама қилишди, деб хабар берди РИА новости ахборот агентлиги. 

1 октябрда Бишкекда ШҲТга аъзо давлатлар бош прокурорларининг 17-йиғилиши бўлиб ўтди. Тадбирда ташкилотга аъзо барча давлатлар, шунингдек кузатувчи ва мулоқот бўйича шерик давлатлар делегациялари иштирок этди.

"Учрашув давомида ШҲТга аъзо давлатларнинг прокуратура органлари томонидан гиёҳвандлик воситалари, психотроп моддалар ва уларнинг прекурсорларининг контрабандаси ва ноқонуний айланмасига қарши курашиш соҳасидаги ўзаро ҳаракатларни такомиллаштириш масалалари муҳокама қилинди", дейилган хабарда.

Ахборот агентлиги маълумотларига кўра, йиғилиш қатнашчилари томонидан имзоланган йиғилиш баённомаси "қатнашчиларнинг ушбу йўналишдаги ишларни фаоллаштириш учун тақдим этилган барча имкониятлардан максимал даражада фойдаланишга қарорини ҳужжат билан мустаҳкамлади".

Ушбу хабарга фикрингизни билдиринг. Бунинг учун авторизациядан ўтишингиз керак!
Top