10:56 / 11.10.2019
0
16853
Навоийда ИИБ ходими дўппосланди

Навоий вилоятида ИИБ ходимига нисбатан жиноят содир этилди. Бу ҳақда Бош прокуратура жамоатчилик билан алоқалар ва ҳуқуқий ахборот бўлими бошлиғи Ҳаёт Шамсутдинов хабар берди.

Қайд этилишича, Хатирчи тумани ИИБ ҲПБ профилактика инспектори Ў.Х. (1991 й.т.) бошқарувидаги "Матиз" русумли автомашинада пиёдалар ўтиш йўлагида пиёдаларни ўтказиб юбориш учун тўхтаб турган вақтида, унинг орқасида фуқаро А.Ў. (1990 й.т.) "Матиз" русумли автомашинада тўхтаган.

А.Ў. профилактика инспектори Ў.Х унинг йўлини тўсиб турганлигини важ қилиб, уни уриб-дўппослаб, тан жароҳати етказган ҳамда Ў.Х.нинг қонуний талабларига бўйсунмасдан, фаол қаршилик кўрсатиб, ўз автомашинасини ҳаракатини давом эттириши натижасида, унинг ўнг оёғини босиб ўтган. 

Мазкур ҳолат юзасидан 2019 йил 10 октябрь куни Хатирчи тумани прокуратураси томонидан А.Ў.га нисбатан Жиноят кодексининг 277-моддаси (Безорилик) 3-қисми "г" банди билан жиноят иши қўзғатилган. 

Тергов ҳаракатлари давом этмоқда, дейилади маълумотда.

Ушбу хабарга фикрингизни билдиринг. Бунинг учун авторизациядан ўтишингиз керак!
Top