Manbalar: Qashqadaryo viloyatidagi rahbarlar tuzilmasida o‘zgarishlar bo‘lishi kutilmoqda

Qashqadaryo viloyatida 26 oktabr kuni hukumat rahbarlari ishtirokida viloyat faollarining yig‘ilishi o‘tkazilishi va unda viloyatning ijtimoiy-iqtisodiy ahvoli jiddiy tanqid ostiga olinib, tashkiliy masalalar ko‘rilishi kutilayotgani haqidagi ma'lumotlar Kun.uz tahririyatiga kelib tushdi.

Foto: Qashqadaryo viloyati hokimligi

Bu ma'lumot bo‘yicha Kun.uz turli manbalardan surishtiruv o‘tkazdi va vaziyat bo‘yicha qo‘shimcha norasmiy ma'lumotlarga ega bo‘ldi.

Manbalardan olingan ma'lumotlarimizga ko‘ra, 2013 yil 27 sentyabrdan buyon Qashqadaryo viloyat hokimi lavozimida ishlab kelayotgan Zafar Sharopovich Ro‘ziyev o‘z vazifasidan ozod qilinishi kutilmoqda.

Shuningdek, yig‘ilishda Qarshi shahri, Chiroqchi va Mirishkor tumanlarining amaldagi hokimlari masalasi ham ko‘rib chiqilishi mumkin.

#Zafar Ro‘ziyev #Qashqadaryo viloyati

Kun.uz yangiliklarini Google News'da kuzating

+ Obuna bo'lish