17:32 / 28.10.2019
0
3848
Ироқ шаҳарларида талабаларнинг оммавий намойишлари бўлиб ўтмоқда
Фото: REUTERS

Талабалар зудлик билан ислоҳотлар ўтказилишини ва битирувчиларга ишга жойлашиш имконияти яратилишини талаб қилмоқда.

Ироқнинг Бағдод ва бошқа қатор жанубий шаҳарларида талабаларнинг оммавий намойишлари бўлиб ўтмоқда. Бу ҳақда Al Hadas телеканали хабар берди.

Хабарда айтилишича, Басра, Ан-Нажаф, Амар, Ад-Девония, Майсан шаҳарларида ёшлар орасидаги юқори даражадаги ишсизлик ва ёмон турмуш шароитларига қарши намойишларга кўплаб талабалар чиққан.  

Бағдоддаги иш ташлашларга мактаб ўқувчилари ва талабалар қўшилган. Улар зудлик билан ислоҳотлар ўтказилишини ва битирувчиларга ишга жойлашиш имконияти яратилишини талаб қилмоқда.

Ироқ инсон ҳуқуқлари бўйича олий комиссияси маълумотларига кўра, ўтган жума кунидан буён Бағдод ва бошқа вилоятлардаги намойишлар давомида 74 киши ҳалок бўлган, 3,6 мингга яқин киши турли даражада жароҳат олган.

Ушбу хабарга фикрингизни билдиринг. Бунинг учун авторизациядан ўтишингиз керак!
Top