Kataloniyada namoyishchilar markaziy Ispaniya va Fransiyaga olib boradigan yo‘llarni to‘sib qo‘ydi

Namoyishchilarning so‘zlariga ko‘ra, jahon hamjamiyati "Ispaniyani mazkur nizoni hal qilishning yagona yo‘li muzokaralar boshlash ekanligini tushunishga majbur qilishi" lozim.

Kataloniya mustaqilligi uchun namoyish o‘tkazayotganlar markaziy Ispaniya va Fransiyaga olib boradigan avtomagistrallarni to‘sib qo‘ydi. Bu haqda EFE agentligi xabar berdi.

Namoyishchilar yo‘llarni o‘z avtomobillari bilan to‘sib qo‘yishgan. Ularning so‘zlariga ko‘ra, jahon hamjamiyati "Ispaniyani mazkur nizoni hal qilishning yagona yo‘li muzokaralar boshlash ekanligini tushunishga majbur qilishi" lozim.

Fransiya chegara oldidagi punktlarida va markaziy Ispaniyada politsiyachilar soni oshirilgan.

Avvalroq Ispaniya hukumati raisi vazifasini bajaruvchi Pedro Sanches Kataloniya hech qachon Ispaniya tarkibidan chiqmasligini ta'kidlagandi.