Fransiya klubi vakili Eldor Shomurodovning o‘yinini kuzatdi

Rossiya Premer-ligasi 19-turi doirasidagi «Spartak» - «Rostov» (1:4) uchrashuvini Fransiyaning «Lion» klubi vakillari Moskvaga kelib kuzatishdi.

Foto: KUN.UZ

Fransuz klubi «Rostov» hamda O‘zbekiston milliy jamoasi forvardi Eldor Shomurodovga qiziqish bildirmoqda. Bu haqda «Betting Insider» muxbiriga «Rostov» klubidagi ishonchli manba xabar bergan.

«Lion» klubi vakillari 8 dekabr kuni Moskvada bo‘lib, Rossiya Premer-ligasi 19-turi doirasidagi «Spartak» - «Rostov» (1:4) uchrashuvini stadionda turib kuzatishdi.

Shomurodovga Ispaniyaning «Sevilya» klubidan ham qiziqish mavjud.

Shomurodov hozirgacha chempionatda 10ta gol va 5ta golli uzatmani amalga oshirdi. Xususan, «Spartak»ga qarshi bahsda Eldor jamoasining ikkita goliga hammualliflik qildi. Ushbu hujumchi 2019 yilda O‘zbekiston milliy jamoasida jami 10ta gol urgan.

2017 yildan buyon «Rostov» sharafini himoya qilayotgan Eldor Shomurodovning transfer bahosi Transfermarkt’ga ko‘ra, 2,5 million yevroni tashkil etadi.

#Eldor Shomurodov