17:21 / 10.12.2019
0
10219
Афғонистон шимолида толиблар 40 нафар оқсоқолни ўғирлаб кетишди
Фото: epa/vostock-photo

"Толибон" ҳаракати жангарилари Афғонистон шимолидаги Жузжон вилояти Файзобод уездида 40 нафар оқсоқолни ўғирлаб кетишди, деб хабар берди Pajhwok.

Агентликнинг хабарига кўра, оқсоқоллар маҳаллий мудофаа отряди командирларидан бирининг жаноза маросимига келган бўлган.

Файзобод уезди бошлиғи Алаф Шоҳ Аттай қариялар қабилалар оқсоқоллари бўлганини ва куч тузилмаларига ҳеч қандай алоқалари бўлмаганини маълум қилди.

Агентликнинг қайд этишича, маҳаллий ҳокимият ўғирлаб кетилган қарияларни озод қилиш чорасини кўрмоқда.

Ушбу хабарга фикрингизни билдиринг. Бунинг учун авторизациядан ўтишингиз керак!
Top