«Agar mikrofonni o‘chirib qo‘yishsa, ovoz bilan gapiring». Prezident deputatlikka saylangan ayollarni qutladi

Toshkent shahrida O‘zbekiston Respublikasi Oliy Majlisi Qonunchilik palatasining saylovdan keyingi birinchi majlisi bo‘lib o‘tmoqda. Unda O‘zbekiston prezidenti Shavkat Mirziyoyev ishtirok etmoqda. 

Majlisda davlat rahbari nutq so‘zlamoqda.

«Parlamentimizga 48 nafar ayol saylandi. Men ularning saylanganidan xursandman. Ular bor joyda poklik, adolat bo‘ladi. O‘ylaymanki, ayollarning eng chekka qishloqlar, ovullardagi muammolarini olib chiqasizlar. Men sizlarga ishonaman. Aziz ayollar, agar mikrofonni o‘chirib qo‘yishsa, ovoz bilan gapiring», - dedi Shavkat Mirziyoyev. 

Avvalroq, Akmal Saidov Qonunchilik palatasi spikerining birinchi o‘rinbosari bo‘lgani xabar qilingandi.