Tomsk fojiasida halok bo‘lgan ikki o‘zbekistonlik jasadi vatanga olib kelindi

21 yanvar kuni Tomsk viloyatida 12 nafar o‘zbekistonlik yong‘in oqibatida halok bo‘lgan, 2 nafari tirik qolgani haqida xabar qilingan edi. 2020 yil 26 yanvarida fojiada halok bo‘lgan 10 nafar marhumning jasadi olib kelindi. Qolgan ikki nafarining shaxsiga oydinlik kiritilishi lozim edi.

30 yanvarda ushbu fojiada tirik qolgan ikki o‘zbekistonlik hamda ikki marhum jasadi ham Vatanga olib kelindi. DNK natijalariga ko‘ra, olib kelingan marhumlardan biri kitoblik Rahmonov Shuhrat ekani ma'lum qilindi. Namangan aeroportiga keltirilgan ikkinchi marhum Mamajonov Muzaffarjon Andijon viloyatiga jo‘natilgan.

{Yii::t(}

O'tkazib yuborish 6s

Tergov jarayoni sababli tirik qolgan jabrlanuvchilar, navoiylik N.M. hamda R.D. bilan uchrashish imkoni bo‘lmadi.

Marhumlar jasadlari va fuqarolar respublika Favqulodda vaziyatlar, Ichki ishlar, Bandlik va mehnat munosabatlari, Sog‘liqni saqlash vazirliklari, Tashqi mehnat migratsiyasi agentligi va Milliy aviakompaniya hamkorligida olib kelingan.

Ta'kidlash o‘rinliki, halok bo‘lgan mehnat migrantlarining jasadlarini olib kelish Tashqi mehnat migratsiyasi agentligi huzurida tashkil etilgan maxsus jamg‘arma hisobidan qoplanadi. Biroq, Rossiya ijtimoiy tarmoqlarida Tomsk fojiasi qurbonlari uchun noma'lum kishilar tomonidan pul yig‘ish holatlari kuzatilmoqda. Shu munosabat bilan, o‘zbekistonliklarni firibgarlar aldovidan ehtiyot bo‘lishga chaqirib qolamiz.

#Rossiya #Tomsk