AQSh davlat kotibi Mayk Pompeo Qozog‘istonga tashrif buyurdi. Bu haqda mamlakat tashqi ishlar vazirligi rasmiy vakili Oybek Smadiyarov ma'lum qildi.
"Mayk Pompeo Qozog‘istonga keldi", - dedi u jurnalistlarga.
Pompeo yakshanba kuni Qozog‘iston tashqi ishlar vaziri Muxtar Tleuberdi bilan uchrashadi. Xabar qilinishicha, tomonlar ikki tomonlama va mintaqaviy hamkorlik hamda boshqa dolzarb masalalarni muhokama qiladi.
Mayk Pompeo Qozog‘iston prezidenti Qosim-Jo‘mart To‘qayev va respublikaning birinchi prezidenti Nursulton Nazarboyev bilan uchrashuvlar o‘tkazishi rejalashtirilgan.
AQSh davlat kotibi 2 fevral kuni Toshkentga keladi. U 3 fevral kuni «C5+1» shaklidagi vazirlar uchrashuvida ishtirok etadi.
Tashrif davomida Mayk Pompeo prezident Shavkat Mirziyoyev qabulida ham bo‘ladi.
