Nodir Otajonov: «Bu yil qishloq xo‘jaligiga o‘tgan yilga nisbatan 165 foizga ko‘p zamonaviy texnikalar olib kiriladi»

“O‘zagrotexsanoatxolding” AJ boshqaruv raisi Nodir Otajonovning ma'lum qilishicha, bu yil qishloq xo‘jaligi sohasiga o‘tgan yilga nisbatan 165 foizga ko‘p zamonaviy texnikalar olib kiriladi. 

“Joriy yil davomida qishloq xo‘jaligi sohasini 45 foizgacha zamonaviy texnikalar bilan ta'minlash oldimizga qo‘ygan asosiy maqsadimizdir. Bu yil qishloq xo‘jaligi sohasiga o‘tgan yilga nisbatan 165 foizga ko‘p zamonaviy texnikalar olib kiriladi.

Qishloq xo‘jaligini mexanizatsiyalash, eng zamonaviy va tejamkor texnikalarni joriy qilish qishloq xo‘jaligi sohasida belgilangan asosiy vazifalardan biri. Hozirgi sharoitda yer, suv resurslarning hosildorligini oshirish yo‘lida zamonaviy texnikalarni ahamiyati beqiyos”, - deydi Nodir Otajonov.

Innovatsion rivojlanish vazirining birinchi o‘rinbosari Sharof Rajabboyevning aytishicha, texnikalarni rivojlantirish, avvalambor, qo‘l mehnatini kamaytiradi. 

“Raqamli texnologiyalarni joriy qilish asosiy vazifalarimizdan. Raqamli texnologiyalar bu nima? Bu ma'lumotlar bazasi. Namlik darajasi, qachon ekish kerak, qachon suv berish kerak, qayerda joylashtirish maqsadga muvofiq degan savollarga javoblarni asosli, tez va aniq beradi”, - deydi vazir birinchi o‘rinbosari.