Bugun, 10 mart kuni Axborot va ommaviy kommunikatsiyalar agentligida O‘zbekistonda koronavirus infeksiyasining profilaktikasi va uning kirib kelishining oldini olish masalalariga bag‘ishlangan matbuot anjumani tashkil etildi.
Kun.uz muxbiri xabariga ko‘ra, Sog‘liqni saqlash vazirligi tomonidan uyushtirilgan bu matbuot anjumani O‘zbekistonda ayni shu muammoga bag‘ishlangan keng qamrovdagi dastlabki xalqaro tadbirga, ilmiy konferensiyaga aylanib ketdi.
Sog‘liqni saqlash vaziri Alisher Shodmonov respublika bo‘ylab yirik tadbirlar, ommaviy konsertlarni cheklash bo‘yicha savolga javob berarkan shunday dedi:
– Biz favqulodda komissiya qarori bilan, JSSTning tavsiyasiga ko‘ra, kasallik qayd etilmagan davlat sifatida xalqaro tadbirlarni cheklaganmiz. Ammo o‘zimizning ichki ommaviy tadbirlarni, sport o‘yinlari, spektakllar, konsertlarni cheklashga ehtiyoj yo‘q, deb topganmiz.
