Yangi qurilayotgan xonadonlarni sotib olishda yordam berishini aytgan shaxs o‘z va'dasining ustidan chiqmadi
Foto: Tergov departamenti
2019 yilning iyul oyida Andijon viloyati Asaka tumanida yashovchi 43 yoshli B.T. Jalaquduq tumani yashovchi 38 yoshli I.A.ga Toshkent shahrida yangi qurilayotgan xonadonlardan birini sotib olishda yordam berishini aytgan.
O‘zbekiston Respublikasi IIV huzuridagi Tergov departamenti xabariga ko‘ra, bu shaxs undan jami 37.305.000 so‘m pullarini olib, o‘z ehtiyojlariga ishlatib yuborib, hozirgi kunga qadar qaytarmayotganligi ma'lum qilingan.
Mazkur holat yuzasidan Jalaquduq tumani IIB huzuridagi Tergov bo‘limi tomonidan O‘zbekiston Respublikasi Jinoyat kodeksining 168-moddasi 1-qismi bilan (firibgarlik) jinoyat ishi qo‘zg‘atilgan.
B.T. gumon qilinuvchi tariqasida jalb qilinib, hozirda yetkazilgan moddiy zararni qoplash choralari ko‘rilmoqda.
