Qoʻshimcha funksionallar
-
Tungi ko‘rinish
Xorijda o‘qish mavzusida bepul mahorat darslari yo‘lga qo‘yilmoqda
Xorijdagi bir guruh o‘zbekistonlik yoshlar chet elda ta'lim olish bo‘yicha bepul onlayn mahorat darsini tashkil etmoqda.
O‘zbekiston yoshlari umumjahon assotsiatsiyasidan ma'lum qilishlaricha, vebinar shaklidagi mahorat darsi bugun, 5 aprel kuni Toshkent vaqti bilan soat 19:00da boshlanadi.
Birinchi vebinarda guruh mentorlari va uni tashkil qilishdan ko‘zlangan maqsad va rejalar haqida ma'lumot beriladi.
Suhbat so‘ngida tinglovchilar o‘zlarini qiziqtirgan savollariga javob olishlari mumkin.
Onlayn dars orqali mentorlar xorijiy OTMlarga BA, BS, MS, MBA, MD, PhD, PA, DO darajalari uchun o‘qishga topshirish, grantlar yutish, testlarda nimalarga e'tibor berish kerakligi haqida o‘z bilim va tajribalari bilan o‘rtoqlashadi.
Mahorat darslari Zoom platformasi orqali koronavirus tufayli ayni kunlarni uyda o‘tkazayotgan xorijdagi va O‘zbekistondagi talaba va yoshlarning vaqtini samarali o‘tishiga hissa qo‘shish maqsadida bepul tashkil etiladi.
Vebinarda qatnashish uchun avvaldan quyidagi havola orqali ro‘yxatdan o‘tish zarur.
Koronavirus O‘zbekistonda
Mavzuga oid
12:06 / 20.02.2024
“Xorijda grant asosida o‘qish imkoniyatlari ko‘pchilik o‘ylaganidan ko‘proq” - Nyu-Yorkdagi o‘zbek doktorant
16:30 / 15.09.2023
Yaponiyadagi o‘zbek professori farzandi xorijda o‘qiyotgan ota-onalarga murojaat qildi
13:37 / 24.03.2022
Eski shahardan Daniyagacha: “data scientist” Abduvoris Abduvahobovdan Yevropaga grant yutish bo‘yicha 8 maslahat
17:33 / 12.11.2021