Qoʻshimcha funksionallar
-
Tungi ko‘rinish
Qirg‘izistonda koronavirus tarqatganlik uchun dastlabki jinoyat ishi qo‘zg‘atildi
Qirg‘izistonda koronavirus yuqtirish holatlari 228taga yetgan, to‘rt kishi vafot etgan.
Qirg‘izistonda koronavirus tarqatganlik uchun dastlabki jinoyat ishi qo‘zg‘atildi, deb xabar berdi mamlakat COVID-19ga qarshi kurashish shtabi.
Xabarda aytilishicha, gumonlanuvchi – O‘sh viloyatida yashovchi shaxs karantin qoidasini buzgani uchun ushlangan. Tekshiruv davomida uning koronavirusga chalinganligi aniqlangan.
"Afsuski, u kasalligini o‘z qarindoshlari, do‘stlari, hamkasblaridan yashirgan va virus tarqatgan. U hozirda observatoriyada ushlab turilibdi. Tuzalganidan keyin 5 yilgacha muddatga ozodlikdan mahrum etiladi", - deb ma'lum qildi shtab vakili.
Qirg‘izistonda koronavirus yuqtirish holatlari 228taga yetgan, to‘rt kishi vafot etgan. Respublikada favqulodda vaziyat rejimi, qator shaharlar hamda poytaxtda favqulodda holat rejimi joriy etilgan.
JSSTning oxirgi ma'lumotlariga ko‘ra, dunyo bo‘yicha 1,21 milliondan ortiq kishi koronavirus yuqtirgan, 67,6 ming kishi vafot etgan.
Koronavirus
Mavzuga oid
08:28 / 12.05.2026
Chegara orqali narkotik tashish bilan shug‘ullangan guruh fosh etildi
18:42 / 08.05.2026
O‘zbekiston, Qozog‘iston va Qirg‘iziston sug‘orish suvini yetkazish jadvalini kelishib oldi
07:40 / 07.05.2026
Qirg‘iz-tojik-o‘zbek chegarasidagi «Do‘stlik» xalqaro savdo-iqtisodiy parki konsepsiyasi taqdim etildi
22:02 / 02.05.2026