Петиция муаллифи Келлен С. Флойдни қўлга олишда иштирок этган ва унинг ўлимига алоқадор барча полициячилар суд олдида жавоб беришлари кераклигини талаб қилмоқда. Петицияга имзо қўйганлар орасида кўплаб йирик компаниялар ва машҳур инсонлар бор.
46 ёшли Флойднинг ўлимига жавобан АҚШда норозилик намойишлари ва тартибсизликлар бошланган. Флойднинг ушланиши вақтида оқ танли полициячи Дерек Шовен унинг бўйнини тиззаси билан босиб турган. Эркак кишанланган ва қаршилик кўрсатмаётган бўлса-да, полициячи уни бир неча дақиқа бўғиб турган. Воқеа гувоҳлари ҳам полициячилардан ортиқча қаттиққўллик қилмасликни сўрашган, бироқ барчаси бефойда бўлган.
Шундан кўп ўтмай Флойд ҳушини йўқотиб, шифохонада жон берган. Унинг полициячилар томонидан ушланиши видеоси интернетда тарқалгач, норозиликларга сабаб бўлган. Флойдни қўлга олишда иштирок этган 4 полициячи ишдан бўшатилган, Шовен эса ҳибсга олинган. Бироқ бу норозиликларни тўхтата олмаган.
