17:13 / 12.06.2020
23728
Зеленскийнинг хотини коронавирусга чалинди

Елена Зеленскаянинг хабар беришича, ўзини яхши ҳис қилмоқда, амбулатория шароитида даволанмоқда, қариндошларидан ажратиб қўйилган. Давлат раҳбари ва фарзандлари ҳам тестдан ўтди, уларда инфекция аниқланмаган.

Фото: Toms Kalnins / EPA / TASS

Украина президенти Владимир Зеленскийнинг рафиқаси Еленада коронавирусга ўтказилган тест ижобий натижа берди. Бу ҳақда давлат раҳбари офиси Telegram каналида хабар қилган.

Украина президенти маъмуриятининг таъкидланишича, давлат раҳбарининг рафиқасида касаллик аломатлари йўқ.

Зеленскаянинг ўзи Facebook’да ўзини яхши ҳис қилаётгани, амбулатория шароитида даволанаётгани ва оила аъзоларидан ажратиб қўйилганлиги ҳақида ёзган.

«Кутилмаган янгиликлар. Айниқса, менинг оилам ва мен барча қоидаларга - ниқоблар, қўлқоплар ва минимал алоқаларга риоя этаётганимизни ҳисобга олсак», - дея қайд этиб ўтган биринчи хоним.

Зеленскаянинг қўшимча қилишича, эри ва болалари ҳам коронавирусга текширилган, уларда инфекция аниқланмаган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top