Abdulaziz Komilov «Bir makon, bir yo‘l» tashabbusi doirasidagi yuqori darajali videokonferensiyada ishtirok etadi

2020 yil 18 iyun kuni O‘zbekiston tashqi ishlar vaziri Abdulaziz Komilov «Bir makon, bir yo‘l» tashabbusi doirasidagi xalqaro hamkorlik bo‘yicha koronavirusga qarshi kurashda birdamlik» mavzusidagi yuqori darajali videokonferensiyada ishtirok etadi.

Tadbir chog‘ida koronavirus infeksiyasi tarqalishiga qarshi kurashda ko‘p tomonlama hamkorlik, savdo-iqtisodiy aloqalarni qayta tiklashdagi xalqaro sherikchilik ko‘rib chiqiladi.

Shuningdek, koronavirus sharoitida qo‘shma loyihalarni ro‘yobga chiqarish va amaliy hamkorlikning boshqa jihatlarini muhokama qilish ko‘zda tutilgan.