JSST Covid-19’ga chalingan og‘ir bemorlarni deksametazon bilan davolash samara keltirganini olqishladi

Jahon sog‘liqni saqlash tashkiloti Oksford universitetining shamollashga qarshi mo‘ljallangan deksametazon dorisi koronavirus infeksiyasining og‘ir holatlarini davolashda yordam berishi borasidagi tadqiqoti natijalarini olqishladi.

Tadqiqotchilarning so‘zlariga ko‘ra, deksametazon o‘pkani sun'iy nafas oldirish qurilmasiga ulangan bemorlarning o‘lim ko‘rsatkichini 35, kislorodli davolanishdagi bemorlarning o‘limini esa 20 foizga kamaytiradi.  

JSST bosh direktori Tedros Adxanom Gebreyyesus bu og‘ir ahvoldagi bemorlarda o‘lim ko‘rsatkichini pasaytiruvchi ilk davolash sxemasi ekanligini qayd etdi.

Deksametazon 60-yillardan beri ma'lum, u ko‘plab mamlakatlarda mavjud, deyiladi JSST tomonidan. Buyuk Britaniyada bu dorining bir qutisi 5 funt turadi.

Tadqiqotchilarning ma'lum qilishicha, u koronavirusga chalingan bemorlarning organizmiga yetadigan zararni kamaytiradi. Davolash kursi o‘n kunga mo‘ljallangan.

Tadqiqot davomida 2000 bemorga ushbu dori berilgan. Ularning holati deksametazon qabul qilmagan 4000 bemorning holati bilan solishtirilgan.