Nigeriya shimolidagi Borno shtatida jangarilar yuzlab odamlarni garovga oldi. Bu haqda Le Parisien nashri xabar berdi.
Mahalliy manbalarning ma'lum qilishicha, “G‘arbiy Afrikada Islom davlati” (ISWAP) terrorchi guruhi jangarilari Kukava shahrini bosib olib, u yerdagi tinch aholini garovga olgan.
Ta'kidlanishicha, garovga olinganlar hududdagi yomon vaziyat sababli ikki yilga yaqin ko‘chirilgan shaxslar uchun mo‘ljallangan lagerda kun kechirib, yaqindagina shaharga qaytishgan bo‘lgan.
Ayni vaqtda mamlakat xavfsizlik xizmatlari odamlarga yordam berish uchun zarur choralar ko‘rmoqda.
