15:43 / 07.10.2020
8494
Коронавирусга чалинган Порошенконинг аҳволи ёмонлашгани маълум қилинди

Пётр Порошенко коронавирус юқтирганлиги ҳақида сентябрь охирларида маълум бўлганди.

Фото: РИА Новости

Украинанинг собиқ президенти Пётр Порошенконинг аҳволи кескин ёмонлашди. Бу ҳақда унинг турмуш ўртоғи Марина Порошенко маълум қилди.

«У касалхонада, комплекс муолажа олмоқда. Афсуски, унинг қони ҳолати ёмонлашди – жудаям қуюқлашиб кетган. Шифокорлар ҳаттоки таҳлил ҳам олишолмаяпти», — деди у.

Порошенконинг қизи Евгения ҳам коронавирус юқтирган бўлиб, унинг ҳолати яхшилиги айтилмоқда. Пётр Порошенкода ўпканинг икки томонлама шамоллаши аниқланган.

Пётр Порошенко коронавирус юқтирганлиги ҳақида сентябрь охирларида маълум бўлганди. У коронавирусга топширган тести мусбат чиққани ва уйида даволанаётганини маълум қилганди. 3 октябрь куни эса шифохонага ётқизилди.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top