Keyingi qabulda OTMlarning kirish imtihonlari yangi test savollari asosida o‘tkaziladi

OTMlarning kirish imtihonlari ta'limning keyingi bosqichga tayyorligini baholaydigan, kompetensiyaga asoslangan savollarga almashtiriladi.

Davlat rahbarining «Ta'lim-tarbiya tizimini yanada takomillashtirishga oid qo‘shimcha chora-tadbirlar to‘g‘risida»gi qaroriga muvofiq, 2021 yil 1 yanvardan boshlab davlat OTMlariga kirish uchun test sinovi topshiriqlarini tuzish va ekspertizadan o‘tkazishning yangi tartibi joriy qilinadi.

Qarorga ko‘ra:

keyingi yillardan test sinovi topshiriqlari davlat ta'lim standartlari va o‘quv dasturlari asosida tuziladi;
test sinovi materiallarining ma'no-mazmuni umumiy o‘rta ta'lim tizimidagi fanlarning o‘quv dasturlariga moslashtiriladi;
abituriyentlarning nazariy bilimlarni o‘zlashtirish darajasi bilan birga mantiqiy fikrlashi, masala va misollarni bajara olish qobiliyati va ta'limning keyingi bosqichiga tayyorgarligini baholaydigan, kompetensiyaga asoslangan test topshiriqlari ishlab chiqiladi;
amaldagi ABITUR dasturini takomillashtirish hisobiga yangi dasturiy mahsulot ishlab chiqiladi hamda 2021/2022 o‘quv yili uchun saralash test sinovlari yangi test savollari asosida o‘tkaziladi.

#kirish imtihonlari