00:04 / 11.11.2020
37899
Коронавирусга қарши иккита самарали табиий маҳсулот маълум қилинди 

Асал ва қора седана истеъмол қилиш коронавирусга чалинган беморларнинг касалликни енгишида ёрдам бериши мумкин. Бу борада олиб борилган тадқиқот натижалари medRxiv порталида эълон қилинди.

Фото: Getty Images

Мутахассислар халқаро гуруҳи коронавирусга чалинган ўрта ва оғир даражадаги беморлар иштирокида тадқиқот ўтказган. Иштирокчиларнинг бир қисми ҳар куни бир килограмм вазнга бир грамм асал ва 80 миллиграмм қора седана, қолган қисми эса плацебо олган.

Тадқиқот натижаларининг кўрсатишича, ушбу икки маҳсулотнинг истеъмол қилиниши ўрта ва оғир даражадаги беморларда, мос равишда, тадқиқотнинг учинчи ва еттинчи куни касаллик аломатларининг енгиллашишига олиб келган ҳамда назорат гуруҳидаги беморларга нисбатан вируснинг организмдан 4 кун олдинроқ чиқарилишида ёрдам берган.  

Олимларнинг таъкидлашича, асал ва қора седананинг биргаликда истеъмол қилиниши ҳеч қандай иккиламчи таъсирларга олиб келмаган ҳамда коронавирусни даволашнинг бошқа усуллари билан бирга ёки улардан алоҳида қўлланиши мумкин.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top