Xususiy maktab direktori Toshkent shahar xalq ta'limi bosh boshqarmasiga boshliq bo‘ldi

Kozimjon Hasanov Toshkent shahar Xalq ta'limi bosh boshqarmasi boshlig‘i – Toshkent shahar hokimining ta'lim va tarbiya masalalari bo‘yicha maslahatchisi lavozimiga tayinlandi.

Kozimjon Hasanov 1978 yilda Toshkent shahrida tavallud topgan. U 1997 yilda O‘zbekiston davlat jahon tillari universitetini, 2000 yilda Toshkent davlat texnika universiteti, 2004 yilda O‘zbekiston prezidenti huzuridagi Davlat va jamiyat qurilishi akademiyasi qoshidagi Oliy biznes maktabini tamomlagan.

U turli yillarda Birlashgan Millatlar tashkiloti taraqqiyot dasturi -o‘quv ishlari koordinatori, Toshkent Xalqaro Vestminster universiteti qoshidagi akademik litseyi, O‘zbekiston Respublikasi Oliy va o‘rta maxsus ta'lim vazirligi O‘rta maxus, kasb-hunar ta'limi markazi va qator xususiy maktablarda rahbar lavozimlarida faoliyat yuritgan.

Shu vaqtga qadar Artel Technical School xususiy maktabi direktori lavozimida ishlagan.