2020 yil 1 oktyabr holatiga davlat ichki qarzi qoldig‘i 2,3 mlrd. AQSh dollarini tashkil qildi.
Moliya vazirligi 2020 yilning III choragida O‘zbekiston Respublikasining davlat qarzi holati va dinamikasi sharhini e'lon qildi.
Unga ko‘ra, joriy yilning yanvar-sentyabr oylari davomida davlat ichki qarzi dastlabki hisob-kitoblarga ko‘ra yil boshidan 0,2 mlrd. AQSh dollariga oshib, 2020 yil 1 oktyabr holatiga qoldig‘i 2,3 mlrd. AQSh dollarini tashkil qildi.
Shundan:
– hukumat nomidan jalb qilingan ichki qarz (Davlat qimmatli qog‘ozlari) – 0,4 mlrd. dollar;
– hukumat kafolatlagan ichki qarz –1,9 mlrd. dollar.
Sharhda davlat qimmatli qog‘ozlari bo‘yicha ham ma'lumotlar keltirilgan.
2019 yilda muomala davri qisqa va o‘rta muddatli bo‘lgan umumiy qiymati 1 550,0 mlrd. so‘m miqdoridagi davlat qimmatli qog‘ozlari (DQQ) 15 ta elektron auksion savdolarini o‘tkazish orqali joylashtirilgan bo‘lsa, 2020 yilning 9 oyi davomida o‘tkazilgan elektron auksionlar orqali umumiy qiymati 4 194,8 mlrd. so‘mga teng davlat qimmatli qog‘ozlari joylashtirildi.