Biroq xabarda “Mossad”ning yangi rahbari ismi keltirilmay, u “D” deb belgilangan.
“Bugun (15 dekabrda) bosh vazir Binyamin Netanyaxu “Mossad” direktori o‘rinbosari D.ni razvedka xizmatining keyingi direktori etib tayinlashga qaror qildi. D. “Mossad”ning tajribali faxriysi hisoblanadi”, deyilgan xabarda.
Bosh vazir devonxonasida ta'kidlanishicha, ushbu tayinlov ayni vaqtda oliy davlat lavozimlariga tasdiqlash bo‘yicha davlat komissiyasida ko‘rib chiqilmoqda.
“Mossad”ning amaldagi rahbari Yosi Koen ushbu lavozimga 2015 yil dekabrda Netanyaxu tomonidan tayinlangandi va 2016 yil yanvarda razvedkaga 5 yil rahbarlik qilgan Tamir Pardo o‘rnini egallagandi.
