Bayramlarda qo‘shimcha ishlanmaydigan kunlar uch kundan kam bo‘lmagan muddatga belgilanadi

Foto: Shutterstock
Prezidentning “O‘zbekiston Respublikasida ziyorat turizmini yanada rivojlantirish va ziyoratchilar uchun qulay shart-sharoitlar yaratish chora-tadbirlari to‘g‘risida”gi farmoni loyihasi e'lon qilindi.
2021 yilda xizmatlar va servis sohalarini rivojlantirishning drayverlari sifatida “O‘zbekiston bo‘ylab sayohat qil!” shiori ostida ichki turizmni ommalashtirish, shuningdek, ziyorat turizmini rivojlantirish, shu jumladan “Umra+” ziyorat dasturini amalga oshirish belgilanadi.
Shunday tartib o‘rnatiladiki, unga muvofiq:
- Ro‘za hayit (Iyd al-Fitr) va Qurbon hayit (Iyd al-Adha) diniy bayramlari, Navro‘z umumxalq bayrami, Mustaqillik kuni hamda Yangi yil bayramini nishonlash davrida qo‘shimcha ishlanmaydigan kunlar uch kundan kam bo‘lmagan muddatga belgilanadi;
- har yili 1 dekabrga qadar Bandlik va mehnat munosabatlari vazirligi Turizmni rivojlantirish davlat qo‘mitasi bilan birgalikda kelgusi yil uchun bayram va qo‘shimcha ishlanmaydigan kunlar taqvimini e'lon qilib boradi;
- ota-onalar, qarindoshlar, qariyalar va ustozlar bilan birgalikda sayohat qilishni nazarda tutuvchi besh ish kunidan kam bo‘lmagan "oilaviy ziyorat ta'tili" tizimi joriy qilinadi. Bunda, “oilaviy ziyorat ta'tili” yillik asosiy ta'til hisobidan taqdim etiladi va jamoaviy shartnomalarga muvofiq ish beruvchining roziligi bilan amalga oshiriladi;
- mehnat jamoalari orasida mamlakat bo‘ylab sayohat qilishlarini rag‘batlantirish maqsadida “Sayohat yetakchisi” tizimi joriy qilinadi. Bunda, turizm mavsumi past bo‘lgan davrda o‘z mehnat jamoalariga sayohatlar tashkil qilgan eng faol 1 000 nafar “Sayohat yetakchisi”ga yil yakuni bilan O‘zbekiston bo‘ylab turli mavzudagi sayohatlar bepul asosda taqdim etiladi;
- mamlakat bo‘ylab sayohatlarni rag‘batlantirishga qaratilgan, shu jumladan bonuslar yig‘ib boriladigan, tavsiya etiladigan turizm namoyishi obektlari to‘g‘risida ma'lumotlar aks etgan hamda sayohatlarni qayd etadigan tizimni nazarda tutuvchi “Turist pasporti” joriy etiladi va uning doirasida eng faol sayyohlar mukofotlanib boriladi;
- 2021 yil 1 martdan boshlab O‘zbekiston fuqarolari va O‘zbekistonda doimiy yashovchi fuqaroligi bo‘lmagan shaxslardan joylashtirish vositasida, ular yashagan har bir kun uchun bazaviy hisoblash miqdorining 0,5 foizi miqdorida turistik (mehmonxona) yig‘imi joriy qilinadi. Bunda, turistik (mehmonxona) yig‘imi ichki turizmni targ‘ib qilish va rag‘batlantirish, turizm mavsumi past bo‘lgan davrda joylashtirish vositalarining bandligini ta'minlashga qaratilgan chora-tadbirlarni moliyalashtirishga yo‘naltiriladi;
- respublikaning turizm namoyishi obektlarini keng targ‘ib qilish, fuqarolarni boy tabiiy, madaniy va tarixiy meros, ziyoratgohlar bilan tanishtirish hamda ichki turizmni targ‘ib qilishga qaratilgan (tijorat maqsadlarni ko‘zlamagan) axborot ma'naviy-ma'rifiy masalalarga doir axborotga tenglashtiriladi;
- davlat organlarining ijtimoiy reklama mahsulotlari qo‘mita tomonidan ishlab chiqilgan ziyorat turizm obektlari aks ettirilgan dizayn tasviri asosida tayyorlanadi.
Tavsiya etamiz
Muddat qo‘yuvchi Tramp: buning oxiri bormi?
Jahon | 22:09 / 24.04.2025
Toshkentda avtomobilni ro‘yxatdan o‘tkazish uchun onlayn ariza berish mumkin bo‘ldi
O‘zbekiston | 20:34 / 24.04.2025
Stomatologiya poliklinikalari xususiylashtiriladi
O‘zbekiston | 10:56 / 24.04.2025
Bojxonadagi cheklovlar: fuqaro bojni to‘lay olmasa, nima bo‘ladi?
O‘zbekiston | 22:43 / 23.04.2025
So‘nggi yangiliklar
-
Klasiko intrigalari. «Barsa»da ham bo‘sh nuqtalar bor, «Real» esa hakamlarga jiddiy bosim uyushtirdi
Sport | 19:27
-
Saudiya Arabistoni Haj mavsumida o‘zbekistonliklarga elektron viza berishni to‘xtatib qo‘ydi
O‘zbekiston | 19:09
-
“Rahbar va yoshlar” uchrashuvi
O‘zbekiston | 19:00
-
Xalqaro oliy ta’lim muassasalari o‘rtasida shaxmat turniri o‘tkazildi
O‘zbekiston | 17:00
Mavzuga oid

20:52 / 24.10.2022
O‘zbekistonda Xalqaro ziyorat turizmi haftaligi o‘tkaziladi

18:21 / 19.09.2022
Prezident ziyorat turizmi imkoniyatlaridan to‘liq foydalanish zarurligini aytdi

10:02 / 28.04.2021
O‘zbekiston turizm va sport vaziriga yangi o‘rinbosar tayinlandi

13:41 / 27.01.2021