Soliq tekshiruvlarini o‘tkazish tartibi tasdiqlandi
Joriy yilning 7 yanvar kuni Vazirlar Mahkamasi “Soliq xavfini boshqarish, soliq xavfi mavjud soliq to‘lovchilarni (soliq agentlarini) aniqlash va soliq tekshiruvlarini tashkil etish va o‘tkazish to‘g‘risida” qaror qabul qildi.

DSQ matbuot xizmati xabariga ko‘ra, soliq tekshiruvlariga oid nizomlar tasdiqlandi, O‘zbekiston hukumatining ayrim qarorlariga o‘zgartirish va qo‘shimchalar kiritildi.
Xususan, “Soliq xavfini boshqarish, soliq xavfi mavjud soliq to‘lovchilarni (soliq agentlarini) aniqlash va ularni soliq xavfi darajasi bo‘yicha toifalash tartibi to‘g‘risida”gi nizom tasdiqlandi.
Qaror bilan tasdiqlangan “Soliq tekshiruvlarini tashkil etish va o‘tkazish tartibi to‘g‘risida”gi nizomda soliq tekshiruvlari turlari va ularning xususiyatlari batafsil tushuntirilib, soliq organlarining mansabdor shaxslari, soliq to‘lovchilar va vakillarining huquq va majburiyatlari belgilab qo‘yildi.
Bungacha ushbu tekshiruvlarni o‘tkazish to‘g‘risidagi nizom Davlat soliq qo‘mitasi buyrug‘i bilan tasdiqlangan edi. Endi tekshiruvlarni o‘tkazish tartibi idoraviy hujjat sifatida emas, balki hukumat qarori sifatida qabul qilindi, ya'ni Vazirlar Mahkamasi tomonidan tasdiqlandi.
Nizomda quyidagi soliq tekshiruvlarini tashkil etish va o‘tkazish tartiblari aniq belgilab berilgan:
- kameral soliq tekshiruvi;
- sayyor soliq tekshiruvi;
- soliq auditi.
Prezident tashabbusi bilan tadbirkorlik sub'yektlari faoliyati tekshiruvlariga e'lon qilingan moratoriy 2021 yilda ham amal qiladi.
Soliq xizmati organlari jismoniy shaxslardan soliq to‘lovchilar tomonidan nazorat-kassa mashinalari yoki to‘lov terminallaridan foydalanish bilan bog‘liq soliq qonunchiligi buzilishiga oid videoyozuvlarni olganda, mahsulotni nazorat xaridi orqali sotib olish talab etilmaydi.
Qaror bilan kiritilgan o‘zgartirish va qo‘shimchalarga muvofiq, chakana savdo bilan shug‘ullanadigan yuridik shaxslar va yakka tartibdagi tadbirkorlar o‘zlarining davlat ro‘yxatidan o‘tkazilganligi to‘g‘risidagi ma'lumotlarni, shu jumladan soliq to‘lovchining identifikatsiya raqamini xaridorlar tanishishlari uchun qulay joylarda joylashtirishlari shart.
Elektron hisobvaraq-fakturaga 2ta yangi ustun qo‘shildi:
- tovarlarning (xizmatlarning) Yagona elektron milliy katalogi bo‘yicha identifikatsiya kodi;
- tovarlar (xizmatlar) shtrix-kodi.
Tavsiya etamiz
Nima uchun Koreyani tanlash yoki tanlamaslik kerak? | SUBYEKTIV
Jamiyat | 19:02 / 30.06.2025
Urush tugadi, endi Isroil va Eron nima qiladi?
Jahon | 12:02 / 30.06.2025
Ko‘chmas mulk savdosini naqdsiz shaklga o‘tkazish rejalashtirilyapti
Iqtisodiyot | 11:26 / 30.06.2025
Hindistonda o‘n millionlab odam uran bilan ifloslangan suvni ichmoqda - olimlar
Jahon | 09:01 / 30.06.2025
So‘nggi yangiliklar
-
Nogironligi bor shaxslarni ish bilan ta’minlagan tadbirkorlarga subsidiya ajratish tartibi belgilandi
O‘zbekiston | 13:38
-
Le Monde: Anorbank aksioneri Parijda o‘g‘irlab ketildi
O‘zbekiston | 13:36
-
OAV: «Liverpul» hujumchisi Jota YTH oqibatida halok bo‘ldi
Sport | 13:23
-
Yevroparlament Yevrokomissiyaga ishonch masalasi bo‘yicha ovoz beradi
Jahon | 13:07
Mavzuga oid

17:32 / 30.01.2025
Soliq qo‘mitasi tadbirkorlarni tekshirish samaradorligi bo‘yicha eng yomon tashkilot deb topildi

14:15 / 15.01.2025
Sayyor tekshiruv o‘tkazishda soliq organlarining huquqlari kengaytirildi

09:00 / 28.03.2024
Bosh konsulxona: Turkiya chegarasida mamlakatga kelayotganlarga nisbatan qat’iy tekshiruvlar boshlandi

11:30 / 13.01.2024