Toshkentda elektromobillar uchun 2ta quvvatlash stansiyasi o‘rnatildi

Toshkent shahrida elektromobillar uchun 2ta quvvatlash stansiyasi o‘rnatildi. Bu haqda Energetika vazirligi matbuot xizmati xabar bermoqda.

Foto: Energetika vazirligi matbuot xizmati

Vazirlik ma'lumotida qayd etilishicha, prezidentning 2020 yil 10 iyuldagi “Iqtisodiyotning energiya samaradorligini oshirish va mavjud resurslarni jalb etish orqali iqtisodiyot tarmoqlarining yoqilg‘i-energetika mahsulotlariga qaramligini kamaytirishga doir qo‘shimcha chora-tadbirlar to‘g‘risida”gi 4779-son qaroriga asosan tizimli ishlar amalga oshirilmoqda.

Elektromobillarni quvvatlantirish stansiyalarini “O‘zbekneftgaz” aksiyadorlik jamiyatiga qarashli “UNG Petro” MChJ tasarrufidagi, Toshkent shahrida joylashgan 2ta AYoQShda (Chilonzor tumani, Baynalmilal ko‘chasi, 100A-uy va Chinobod 15 Mirzo Ulug‘bek tumanu, KAHY, Chunobod ko‘chasi) shaharsozlik norma qoidalariga muvofiq joylashtirish mumkinligi belgilab olindi.

Hozirda ushbu AYoQShlarda modul stansiyalari o‘rnatilib ishga tushirildi.

Avvalroq, 2020 yilda O‘zbekistonga nechta elektromobil olib kelingani ma'lum qilingandi.