11:12 / 13.02.2021
4103
Наманганда юз берган ЙТҲ оқибатида пиёда вафот этди

Жорий йил 10 феврал куни соат 12:10ларда, Косонсой-Исковот йўлининг 14-километрида йўл-транспорт ҳодисаси содир бўлди. Бу ҳақда Наманган вилояти ИИБ ахборот хизмати хабар қилмоқда.

Қайд этилишича, “Дамас” автомашинасини ишонч қоғози билан бошқариб кетаётган ҳайдовчи ҳаракат хавфсизлигини таъминлай олмай, йўлнинг чап томонига бурилаётиб, ҳаракат йўналишига нисбатан йўлнинг ўнг томонида турган пиёда, Янгиқўрғон туманида яшаган, 1981 йилда туғилган фуқарони уриб юборган.

Натижада, пиёда оғир тан жароҳати олиб, шифохонада вафот этган.

Ушбу ҳолат бўйича Янгиқўрғон туман ИИБ ҳузуридаги ТБ томонидан Жиноят кодексининг 266-моддаси 2-қисми билан жиноят иши қўзғатилган.

Top