Mançester va Madridda derbi, Germaniyada «Bavariya» «Borussiya»ga qarşi. Hafta öyinlari anonsi
|21:50 / 06.03.202110 89217 min
Öz maydonida qatorasiga 5 marta yutqazgan «Liverpul» oltinçisini «Fulhem»ga qarşi ötkazadi. Mançester derbisi mavsumdagi çempionlik poygasiga deyarli sönggi nuqtani qöyişi mumkin. Italiyada esa ikkita katta uçraşuv bizni kutib turibdi. Madriddagi derbi La Liganing bahorgi kayfiyatini belgilab beradigan buriliş nuqtasi bölişi kutilmoqda. Şu va boşqa öyinlar haqida navbatdagi anonsimizda tanişişingiz mumkin.
Bundesliga. 24-tur.
6 mart (şanba)
BAVARIYa – BORUSSIYa DORTMUND
Öyin boşlaniş vaqti: 22:30
TV-translatsiya: SportTV
Hozir turnir jadvali va töplangan oçkolar nuqtayi nazaridan qaraganda, oradagi farq katta bölsa-da, bu öyin baribir Bundesligada eng markaziy öyin bölib qolaveradi. Birinçidan, dortmundliklar öz tarkibidagi yulduz futbolçilari bilan «Bavariya»ga yaqin kela olişadi, ikkinçidan, aynan şu ikki klub Çempionlar Ligasida ham Germaniya şarafini munosib himoya qilib, keyingi bosqiçga çiqiş uçun yaxşi imkoniyat hosil qilişgan. Dortmunddagi birinçi davra uçraşuvi ham juda şiddatli va qiziqarli ötgan va unda mehmonlar 3:2 hisobida irodali ğalaba qozongandilar.
Bundan taşqari, dortmundliklar bir qator muvaffaqiyatsiz öyinlardan söng, qatorasiga tört ğalabaga erişişdi – Germaniya kubogi yarim final yöllanmasi bilan birgalikda, Bundesligada yana YeÇL yöllanmasi uçun kuraşga qaytişdi. Ikkinçi maqsad juda muhim, zero agar «Borussiya» bu mavsumda nufuzli yevrokubokdan quruq qolsa, Sanço, Holand, Reyna kabi bir qator yulduz futbolçilarni tarkibda olib qoliş yanada qiyinlaşib ketadi. Şundoğam Yevropa grandlari uşbu futbolçilar uçun navbatda turişibdi.
«Bavariya» esa «Arminiya» va «Ayntraxt»ga qarşi omadsiz öyinlardan söng, turnir jadvalidagi qulay pozitsiyani boy berdi. Endi «Leypsig» bilan atigi 2 oçko ajratib turibdi xolos. «Redbulçilar» qatorasiga beş öyindan beri Bundesligada ğalaba qozonayotgani va navbatdagi raqib örtamiyona «Frayburg» ekanini e'tiborga olsak, myunxenliklarning xato qilişga haqlari yöq. Milliy jamoalar bilan boğliq tanaffus ötgaç, ikki peşqadam «Leypsig» maydonida özaro kuç sinaşadi. Öşa öyingaça vaziyatni nazoratda uşlab turib ayni damda «Bavariya»dan xatosiz öyinlarni talab qiladi.
Jamoalar tarkibida öyin muvozanatiga katta ta'sir ötkazişi mumkin bölgan jarohatlar köp. Barça yulduzlar öz örnida. Faqat dortmundliklarni uç kun ötib, YeÇLda «Sevilya»ga qarşi muhim öyin kutib turganini unutmaslik kerak. «Bavariya» esa «Latsio» bilan öyinini 18 martda ötkazadi.
A Seriya. 26-tur.
6 mart (şanba)
YuVeNTUS – LATsIO
Öyin boşlaniş vaqti: 00:45
Mavzuga oid
TV-translatsiya: UzReportTV
«Yuventus» peşqadam «Inter»dan 10 oçko orqada qolib ketdi. Töğri, turinliklarda bir öyin zaxirasi bor, ammo bu uçraşuv ham «Napoli»ga qarşi ötişini inobatga olsak, hali uç oçkoni oliş ham kerak. Buning ustiga çempion böliş sirini juda yaxşi biladigan Konte «Yuventus» örganib qolgan rejimga tuşib oldi – oxirgi 9 öyinda 8 ğalaba. Mavsumning oxirgi qismini mana bunday formada ötkaziş, buning ustiga yevrokuboklar ham xalaqit bermasligi «Inter» raqiblari imkoniyatini keskin pasaytirib yuboradi. Bunday şartlar asosida «Yuventus» oçko yöqotişga umuman haqqi yöq.
Raqib esa oçko juda zarur bölgan «Latsio». Rimliklar bu mavsumda Çempionlar Ligasi havosidan bahra olişdi va albatta, u yerga qaytiş uçun bor imkoniyatlarini işga solişadi. Mağlubiyat esa uşbu kuraşdagi imkoniyatni keskin ravişda tuşirib yuboradi. «Latsio»ni hozirda kuçli törtlikdan 6 oçko ajratib turibdi, xolos.
«Yuventus», şuningdek, tarkib borasida ham bir qator muammolarga duç kelmoqda. Himoya markazida biratöla uç futbolçi – Kellini, Bonuççi va De Ligt safdan çiqqan. Dibala va Bentankur ham jamoaga yordam bera olmaydi. Bu öyin «Portu»ga qarşi YeÇLdagi öta muhim töqnaşuv oldidan röy berayotganini inobatga olsak, Pirloning vazifasi yanada qiyinlaşib ketadi. Dastlabki uçraşuv 2:1 hisobida portugaliyaliklarning ğalabasi bilan yakuniga yetgandi. Mehmonlar safida esa Skolari, Ladzari va Raduda şeriklariga yordam beriş imkoniyati yöq.
Özaro öyinlarda «Yuventus»ning yaqqol ustunligi seziladi: oxirgi 30 öyinning 21 tasi turinliklarning ğalabasi bilan yakunlangan. Lekin «Latsio» aynan sönggi yillarda kuçaya boşlaganini va barqaror ravişda peşqadamlar safida yurganini e'tiborga olsak, bu muvozanat biroz özgarayotganini körişimiz mumkin. Masalan, aynan Rimda bölib ötgan oxirgi ikki öyinda bir ğalaba va bir durang «Latsio» foydasiga. Şuningdek, esingizda bölsa, bir yil oldin Italiya superkubogida rimliklar «Yuventus» ustidan ğalaba qozonib, sovrinni qölga kiritgandilar.
La Liga. 26-tur.
7 mart (yakşanba)
ATLeTIKO - ReAL
Öyin boşlaniş vaqti: 20:15
TV-translatsiya: FutbolTV/UzReportTV
Uşbu mavsumda birinçi marta La Ligada turnir peşqadami özgarişi mumkin edi, agar «Real» ötgan turda sosedadlik «adaşi» ustidan ğalaba qozona olganida. Öşanda jamoalar örtasidagi farq 3 oçkogaça qisqargan bölar va «Real» ğalaba qozonib, «Atletiko»ga yetib oliş imkoniyatiga ega bölardi. Ammo aksinça böldi, «Atletiko» «Vilyareal»ga qarşi qiyin öyinda işonçli öyin körsatib, «Levante»ga qarşi öyinlarning jamoaning umumiy ahvoliga ta'sir körsatmaganini isbotlay oldi. Simeone şogirdlari endi «Barselona» va «Real»dan 5 oçko oldinda bormoqdalar va yana bir öyin zaxirada bor. Aytiş mumkinki, Ispaniyaga biroz intriga qaytgan bölsa-da, favorit özgarmadi.
Ammo kuraş yanada qizişi uçun «Real» ğalaba qozonib, örtadagi farqni yanada qisqartirişi kerak. Zero, La Liga doirasida ötgan oxirgi 9 derbida «Atletiko» ğalaba nimaligini bilmay kelmoqda. Xususan, sönggi ikki öyin «Real»ning ğalabasi bilan yakunlangandi. «Atletiko» oxirgi marta «Real» ustidan Primeroda 2016 yilning fevralida ğalaba qozongan. Grizmanning yagona goli uçraşuv taqdirini hal qilganida iştirok etgan «Atletiko» futbolçilaridan atigi 3 nafari hozir ham tarkibda qolgan, xolos. Ya'ni butunlay boşqa jamoa.
Jarohatlarga kelsak, mezbonlardan markaziy himoyaçi Xose Ximenesda jarohat bor. «Real» tarkibidagi jarohatlar yomğiri biroz töxtagan, asta-sekin futbolçilar tarkibga qayta boşlagan bölsalar-da, Karvaxal va Azar hamon tiklanib ulgurganlari yöq. Şuningdek, Zidan Mariano Diasning ham yordamidan foydalana olmaydi.
APL. 28-tur.
7 mart (yakşanba)
MANÇeSTeR SITI - MANÇeSTeR YuNAYTeD
Öyin boşlaniş vaqti: 21:30
TV-translatsiya: FutbolTV/UzReportTV
Mavsumning ikkinçi yarmi ikki Mançester klubining Çempionlik poygasi ostida ötişi taxmin qilingan bölsa-da, bu farazlar özini oqlamadi. Gvardiola şogirdlarining fenomenal seriyasi va «Yunayted»ning sönggi ikki oyda natijalarining yomonlaşgani intrigani yöqotdi va endi «Siti»ning çempionligi vaqt masalasi, xolos. Şunga öxşaş vaziyat esingizda bölsa, Jozening «Old Trafford»dagi ikkinçi mavsumida ham yuzaga kelgandi. «Etihad»dagi ğalaba «Mançester Siti»ni rasman çempionga aylantiriş mumkin bölgan pallada mehmonlar 3:2 hisobida ğalaba qozongandilar. Hozir rasman çempionlik haqida gapirişga erta bölsa-da, ğalaba mezbonlarning ustunligini 15 oçkoga yetkazadi.
Boşqa tarafdan Gvardiola şogirdlarining 21 öyindan iborat ğalabali seriyasini töxtatiş uçun asosiy nomzod aynan «Mançester Yunayted» bölişi mumkin. Bunga bir qator sabablar bor. Birinçidan, «MYu»ning ham öz rekordli seriyasi davom etmoqda – jamoa 20 öyindan beri safar öyinlarida mağlubiyatga uçragani yöq. APLning bu boradagi rekordi öşa yengilmas «Arsenal»ga tegişli – 28 öyin. Ikkinçidan, aynan «Etihad» ham sönggi yillarda Mançester derbisida mehmonlarning ustunligini ta'minlamoqda. Bölib ötgan oxirgi 6 öyindan atigi 1tasida mezbonlar ğalaba qozona olişgan, xolos. Lui van Gaal ham, Mourino ham, Sulşer ham «Etihad»da derbini yutişni uddalaşgan. Sulşer ikki marta.
Faqat bir holat Sulşerga xalaqit berişi mumkin. «Yunayted» iştirokidagi sönggi 5 top-öyin 0:0 hisobida yakunlandi. Öz navbatida «MYu» va top uçraşuvlar» mavzusida Sulşer tanqid ostiga olina boşladi. Ötgan yili aynan katta öyinlarni yutib, autsayderlarga boy bergan «Yunayted» uçun bunday natija aslida ijobiy tendensiyani körsatişi ham mumkin edi – zero öşa 0:0 larning birortasida ham jamoa himoyaviy öyin namoyiş etmadi, har birida ğalabaga yaqin böldi. Ammo «Kristal Pelas» bilan ham durangdan söng, bunday duranglar salbiy böyoq aks etmoqda. «Sosedad»ga qarşi 0:0 ni ham qöşsak, Sulşer şogirdlari öyinlarida uç öyindan beri gol bölmayapti. Mana şunday xarakterdagi törtinçi uçraşuv uçun «Yunayted» ulkan tanqidlar girdobi ostida qolişi mumkin.
Tarkib borasida mezbonlarda yöqotişlar yöq, hatto Gvardiola bemalol himoya va yarimhimoya markazida rotatsiyalarni amalga oşiriş imkoniyatiga ega. Mehmonlarda vaziyat boşqaçaroq – yuqorida eslangan öyin (3:2) qahramoni Pogba jarohatda, şuningdek, Mata, Marsiyal, Van De Bek, Lindelyof kabi futbolçilarning maydonga tuşişlari söroq ostida. De Xea farzand kördi va u ham Ispaniyada bölib turibdi. Bundan taşqari, Markus Reşfordning uşbu mavsumda yomon formada ekani haqida ham yangi ma'lumot çiqdi: ma'lum bölişiça, futbolçi bir yildan beri orqasida oğriqlar ostida öynab kelmoqda va yozda operatsiya stoliga yotişi mumkin. Hujumçining qaysidir ma'noda kuraşlardan özini olib qoçişi va göyoki «layt» rejimda öynayotgani aslida murabbiylarning körsatmalari asosida bölişi mumkin.
APL. 28-tur.
8 mart (duşanba)
ÇeLSI – EVeRTON
Öyin boşlaniş vaqti: 23:00
TV-translatsiya: FutbolTV/UzReportTV
Sönggi oyda APLda «Mançester Siti»dan söng, eng yaxşi öyinni yangi murabbiy qöl ostida «Çelsi» namoyiş etmoqda. Tuxel şogirdlari oxirgi 10 öyinning 7 tasida ğalaba qozonişdi va uç marotaba durang öynaşdi. Bu öyinlarda «Çelsi» atigi 2ta gol ötkazib yuborgani va «Tottenhem», «Liverpul» va «Atletiko» kabi raqiblar mağlub etilganini e'tiborga olsak, bundan ortiğini kutiş ham muşkul edi. Natijada «Çelsi» uzoq tanaffusdan söng, yana kuçli törtlikka qaytdi.
Ammo agar yöqotilgan oçkolar böyiça hisoblasak, «Çelsi» hamon pastda turgan «Everton» va «Vest Hem»dan pastroqda ekanini ham inobatga oliş kerak. Bu jamoalar bir öyin kam ötkazişgan. Demak, öz pozitsiyasini mustahkamlaş va haqiqiy ma'noda YeÇL yöllanmasi uçun kuraşda favoritga aylanişi uçun «Çelsi» «Everton» ustidan ğalaba qozonişi şart. Bu oson bölmaydi.
Şu ma'nodaki, Ançelotti jamoasi aynan safar öyinlarida juda yaxşi natijalar körsatişmoqda. 1 noyabr kuni «Nyukasl»dan qabul qilingan mağlubiyat «Everton»ning safar öyinlaridagi sönggisi bölib turibdi. Keyin «Fulhem», «Lester», «Şeffild», «Vulverhempton», «Lids», «Vest Bromviç», hatto «Liverpul» mağlubiyatga uçratildi. «Old Trafford»dagi öyinda 3:3 hisobi qayd etildi. APLda qatorasiga uç öyinda ğalaba qozongan va bu öyinlarda birorta ham gol ötkazib yubormagan «Everton» «Çelsi» uçun «çaqilmas yonğoq» bölişi tabiiy.
Qiziği, «Çelsi»ning bugungi kötarilişida qaysidir ma'noda «Everton»ning ham hissasi bor va buning uçun balki minnatdorlik ham bildiriş kerakdir. Zero APLda yetakçilik qilib kelgan «Çelsi»ning ilk qoqilişi aynan «Guddison»da röy bergan va aynan öşa mağlubiyatdan söng, Lempardning şönğişi boşlangandi.
Özaro öyinlarda «Everton» doim londonliklarga muammo tuğdirgan, oxirgi 24 öyindagi 8 ğalaba va 6 durang ham buni yaqqol körsatib turibdi. Lekin aynan «Stemford»da ğalaba qozoniş «Everton»ga 1994 yildan buyon nasib qilmayotgan ekan. Ötgan safar «Enfild»da ğalaba qozonib, 22 yillik an'anaga çek qöygan liverpulliklar endi yanada eskiroq qora seriyaga barham berişga urinib körişarmikin? «Çelsi»ni Angliya çempioniga aylantirgan 3 murabbiydan biri Karlo Ançellotti uçun bu dovonni zabt etiş ham yaraşgan bölardi...
A Seriya. 26-tur.
8 mart (duşanba)
INTeR – ATALANTA
Öyin boşlaniş vaqti: 00:45
TV-translatsiya: FutbolTV/UzReportTV
«A Seriya»da yuqorida tilga olingan Rimdagi öyin xarakteridagi yana bir öyin bölib ötadi. Çempionlik uçun asosiy da'vogar «Inter»ning raqibi Çempionlar Ligasi yöllanmasi uçun kuraşayotgan «Atalanta».
Konte jamoasining sönggi öyinlardagi barqaror natijalari haqida yuqorida ham aytib ötildi. Yana bir jihatga e'tibor beriş kerak – milanliklar tarkibining kengligi, zaxira futbolçilarining yuqori saviyada ekani, aytiş mumkinki, «Inter»ning bu mavsumdagi asosiy yutuği bölib kelmoqda. Esingizda bölsa, ötgan yili ham Yevropa Ligasi, ham çempionatda sönggi turlargaça kuraşgan Konte köp marotaba tarkibning öta qisqa ekanidan va şogirdlarining çarçab qolayotganidan noligandi. Şunday pallalar bu mavsumda ham bölgandir, lekin rotatsiyalar, har öyinda yangi qahramonlarning paydo bölayotgani «Inter»dagi pasayişni sezdirmayapti.
Masalan, oxirgi ikki ğalabada asosiy işni Aleksis Sançes bajardi va uçta gol urişga muvaffaq böldi. Sönggi beş öyinda Kristian Eriksen jamoaning asosiy quroliga aylandi. Xakimi yöqligida Matteo Darmiyan uning örnini egalladi va «Jyenoa» darvozasiga gol urdi. Zero, bu futbolçilar mavsumning birinçi yarmida umuman tarkibdan çetda qolayotgandilar. Juda köp tajribali futbolçilarni kerakli pallada maydonga tuşiriş uçun yaxşi sport formasida bölganliklari, albatta, Kontening yutuğidir. Murabbiy yozda yulduzli transferlarni amalga oşirmagan bölsa-da, ötgan mavsumda aynan nima yetişmagani borasida eng töğri xulosaga ega bölgan va yeçimlar ham nişonga tekkan. Lukaku esa şubhasiz, A Seriyaning bu mavsumdagi eng yaxşi öyinçisi va nega Konte «Çelsi»da ham aynan uni sotib olişga uringanini maydonda isbotlamoqda. Futbolçi öz murabbiyini topdi, deyiş mumkin.
«Atalanta»da esa biroz farqli holat. Şundoq ham qisqa tarkib va çeklangan ijroçilar bilan Yevropaning ötgan mavsumdagi eng yaxşilaridan biri bölgan «Atalanta»da muhit biroz yomonlaşdi. Murabbiyning yetakçi futbolçilar bilan ziddiyati jamoa öyinlariga ta'sir ötkazmay qolmayapti. Avval Gomes «Sevilya»ga ketib qolgan bölsa, endi Iliçiç bilan kelişmovçiliklar boşlandi. «Atalanta» ba'zi öyinlarda özini eslatib turgan bölsa-da, barqarorlik borasida muammolar közga taşlanyapti.
Birinçi davradagi öyinda 1:1 hisobi qayd etilgandi. Uşbu jamoalarning «Juzepe Miatssa»da ötgan oxirgi ikki öyinida ham ğolib aniqlanmagandi.
