La Liga. «Barselona» autsayderni yirik hisobda mag‘lub etib 2-o‘ringa qaytdi, Messida dubl

Foto: Twitter/LaLiga

Ispaniya chempionatining 27-turidan o‘rin olgan so‘nggi o‘yinda «Barselona» o‘z uyida «Ueska» ustidan ishonchli g‘alabani qo‘lga kiritdi. Messi (2ta) va Grizmanning supergollari, Mingesaning debyut to‘pi kataloniyaliklarga 3 ochko taqdim etdi. Yagona javob goli Rafa Mir hisobiga yozildi.

«Barsa» ochkolarini 59taga yetkazib, 2-o‘ringa qaytdi va peshqadam «Atletiko» (63) bilan o‘rtadagi farqni 4 ochkogacha qisqartirdi. «Ueska» 20 ochko bilan so‘nggi pog‘onada qoldi.

La Liga, 27-tur

Barselona — Ueska 4:1
15 mart, «Kamp Nou»
Gollar: Messi (13, 90), Grizmann (35), Mingesa (53) — Mir (45+4, penalti).
Barselona – ter Stegen, Alba, Mingesa, Langle, Dest (Moriba, 69), Buskets, de Yong (Arauxo, 63), Pedri (Puch, 85), Dembele (Breytueyt, 85), Messi, Grizmann (Trinkau, 69).
Ueska – Alvaro Fernandes, Galan, Insua (Vavro, 78), Siovas, Maffeo (Pedro Lopes, 78), Dumbiya (Seoane, 60), Mikel Riko, Ferreyro (Ontiveros, 78), Pulido, Rafa Mir, Dani Eskriche (Serxio Gomes, 60).b