14:38 / 17.03.2021
7982
“Ўзимга ўзим укол қиламан” – 23 йиллик оғриқлардан қутулишни истаган қиз

Aқила 23 ёшда. У туғма чаноқ сон суяги чиқиши билан туғилган ва шундан бери ҳар 3 ойда шифохонада ётиб чиқади. 2 марта операцияни бошидан ўтказган. Қилинган амалиётлар ҳозирча фойда бермаяпти ва ягона чора мураккаб операция. Унинг аҳволи кун сайин оғирлашиб боряпти. Ҳозир у бир амаллаб оёқ боса олади.

Ўтган йили Aқиланинг чап бўкса суяги емирилишни бошлаган. Шифокорларнинг айтишича, суякдаги емирилишни эндопротез қўйиш операцияси орқали даволаш мумкин. Операция Ўзбекистонда 6 минг доллар, Ҳиндистонда 11 минг долларга қилинади. Бу амалиёт қилинмаса, у туғруқдан кейин юролмай қолиши мумкин.

Қизнинг отаси йўқ. У онаси ва укаси билан тоғасиникида, Тошкентнинг Қибрай туманида яшайди. Онаси тикув цехида ишлайди, топадиган даромади 800 минг сўм атрофида.

“Бу пул яшашдан ортиб, дори-дармонларга ҳам етмайди. Кечалари ухлолмай чиқаман, ўзимга ўзим укол қиламан, “капелница” қўяман. Туғилганимдан бери дори билан оғриқни қолдириб келаман. Ҳар бир даволаниб чиқишимга 1-1,5 сўм миллион зарур. Оғриқни қолдирувчи маз, таблетка учун ҳам пул тополмайдиган вақтларимиз бўляпти”, – дея оғриқлари ҳақида гапириб берди Aқила.

Беморнинг онаси қизининг бир неча йиллик оғриқлардан қутилиб, шифо топишидан жуда умидвор. 

Aқила Янгибоевага оид маълумотлар:

ЎЗCAРД: 8600 0417 5945 3658 (Aқила Янгибоева номида)

ЎЗCAРД: 8600 0604 6072 0155 (Aқила Янгибоева номида)

Телефон рақами: +99899 8149798

 Зуҳра Абдуҳалимова,
тасвирчи Муҳиддин Қурбонов.

Мавзу
Хайрия акцияси
KUN.UZ сайти ёрдамга муҳтож инсонларга кўмак бериш нияти билан қатор хайрия акцияларини ташкил этиб келмоқда.
Барчаси
Top