13:56 / 19.03.2021
10867
Сирдарё вилоятининг икки ҳудудида прокурор ўзгарди
Фото: Сирдарё вилояти ҳокимлиги

Сирдарё вилояти прокуратура тизимида янги тайинловлар амалга оширилди. Бу ҳақда вилоят ҳокимлиги ахборот хизмати хабар бермоқда.

Қайд этилишича, Шерзод Эргашевич Ортиқбоев Гулистон шаҳар прокурори лавозимига тайинланди. 

Шерзод Ортиқбоев Сирдарё вилоят прокурорининг катта ёрдамчиси бўлиб ишлаган.

Маълумот учун, шу вақтга қадар Баҳодир Умаров Гулистон шаҳар прокурори, 2-сектор раҳбари сифатида ишлаб келаётганди. 

Ўз навбатида, Акмалхон Эркинович Мадиев Сайхунобод туман прокурори лавозимига тайинланди.

Акмалхон Мадиев Тошкент вилояти Чиноз тумани ҳокими сифатида фаолият кўрсатган.

Top