Prezident Shavkat Mirziyoyev ko‘rilayotgan choralarga qaramay budjet mablag‘larini talon-toroj qilish holatlari kamaymayotganiga e'tibor qaratdi.
«Menga «o‘g‘irladi» degan gap juda og‘ir botadi. Shaxsan o‘zim kimnidir qamab yuborishga buyruq bermaganman. 25 yil qamash bilan shug‘ullandik, lekin korrupsiya yo‘qolmadi. Endi Mavlonovga katta topshiriq, aholi va OAV nazoratini yo‘lga qo‘yib, talon-torojliklarning oldini olishi zarur», deya davlat rahbarining so‘zlarini keltirmoqda Kun.uz muxbiri.
Mavlonov mablag‘lar sarflanishida onlayn nazorat tizimi yo‘lga qo‘yilishini, bu jarayonlarga OAV vakillari ham jalb qilinishini aytib o‘tdi.
