12:32 / 29.03.2021
2209
Андижон шаҳар ва Асака туман халқ таълими бўлимларидаги талон-торожликлар фош этилди

Бош прокуратура ҳузуридаги Иқтисодий жиноятларга қарши курашиш департаментга кўра, Андижон шаҳар халқ таълими бўлимининг марказлашган молия-бухгалтерия собиқ ҳисобчиси Т.А. 2019-2020 йилларда мактабда ҳақиқатда ишламаган 34 нафар фуқарони ишлаганлиги тўғрисида тўлов топшириқномаларига сохта маълумотлар киритиш орқали иш ҳақи ҳисоблаб, 526,9 млн сўм бюджет маблағларини талон-торож қилганлиги аниқланган.

Шунингдек, Асака туман халқ таълими бўлими ходими Ш.З. ва бошқалар малака тоифасини ошириш бўйича ўтказилган аттестация синовларидан ўтмаган 24 нафар ходимга сохта сертификатларни расмийлаштириш орқали 136,1 млн сўм бюджет маблағлари растрата қилиш йўли билан талон-торож қилинган. 

Мазкур ҳолатлар юзасидан Жиноят кодексининг 167-моддаси (талон-торож қилиш) ва 209-моддаси (мансаб сохтакорлиги) билан жиноят ишлари қўзғатилиб, тергов ҳаракатлари олиб борилмоқда.

Top