10:20 / 05.04.2021
3906
Халқаро ҳамкорлик ва ривожланиш агентлигига янги раҳбар тайинланди

Жамшид Абдусаламов Халқаро ҳамкорлик ва ривожланиш агентлиги директори этиб тайинланди.

Ҳукумат қарори билан Жамшид Абдусаламович Абдусаламов Инвестициялар ва ташқи савдо вазирлиги ҳузуридаги Халқаро ҳамкорлик ва ривожланиш агентлиги директори этиб тайинланди.

Жамшид Абдусаламов 2019 йилдан бери Тошкент вилояти ҳокими ўринбосари - Инвестициялар ва ташқи савдо бошқармаси бошлиғи лавозимида ишлаб келган.

2018 йил сентябридан 2019 йил 30 майгача «Ўзбекэнерго» АЖ бошқарув раисининг истиқболли ривожлантириш ва инвестициялар бўйича ўринбосари лавозимида ишлаган.

Эслатиб ўтамиз, 2019 йил январидан буён Монополияга қарши курашиш қўмитасига раислик қилиб келган Нажмиддинхўжа Шарипов 2021 йил мартида Жамшид Абдусаламов ўрнига Тошкент вилояти ҳокимининг инвестициялар ва ташқи савдо масалалари бўйича ўринбосари лавозимини эгаллаганди.

Top