11:45 / 17.04.2021
21176
Жиззахда сохта диплом билан дарс бераётган 10 нафар ўқитувчи аниқланди

Жиззах вилояти Шароф Рашидов туманида сохта диплом билан дарс бераётган 10 нафар ўқитувчи аниқланган. Бу ҳақда вилоят прокуратураси хабар бермоқда.

Маълум қилинишича, Шароф Рашидов туман прокуратураси томонидан туман Халқ таълими бўлимида ўтказилган текширув давомида олий таълим муассасаларида таҳсил олмаган 10 нафар шахс Жиззах давлат педагогика институти, Тошкент давлат педагогика университети, Самарқанд давлат университети ва Гулистон давлат университетларининг сохта дипломлари асосида ўқитувчи бўлиб ишлаб келаётганлиги ҳолати аниқланган.

Қайд этилишича, мазкур ҳолат юзасидан Шароф Рашидов туман прокуратураси томонидан жиноят кодексининг 228-моддаси билан жиноят иши қўзғатилган бўлиб, ҳозирда тегишли тартибда дастлабки тергов ҳаракатлари олиб борилмоқда.

Top