Sog‘liqni saqlash vazirligi O‘zbekistonda koronavirus qayd etilishi holatlari keskin oshayotgani haqida xabar berdi.
«2021 yil 16 aprel holatiga ko‘ra, O‘zbekistonda koronavirus infeksiyasi qayd etilganlar soni 86338 (+316) nafarni tashkil etmoqda», deyiladi SSV xabarida.
Bu kunlik o‘sish bo‘yicha yil boshidan buyon qayd etilgan eng yuqori ko‘rsatkich bo‘lib, avvalgi antirekord 15 aprel kuni qayd etilgan edi - 292 kishida virus aniqlangandi. 14 aprel kuni 227 kishiga tashxis qo‘yilgan - so‘nggi ikki kun ichida kunlik o‘sish qariyb 100taga yetgan. 9 aprelgacha kunlik o‘sish 200dan oshmagandi.
Ma'lumot uchun, kunlik kasallanish holatlari 300dan oshishi so‘nggi bor 2020 yilning sentyabr oyida qayd etilgan.
Yangi kasallanish holatlarining:
- 3 nafari Qoraqalpog‘iston Respublikasida,
- 3 nafari Andijon viloyatida,
- 10 nafari Buxoro viloyatida,
- 7 nafari Jizzax viloyatida,
- 3 nafari Namangan viloyatida,
- 20 nafari Samarqand viloyatida,
- 3 nafari Sirdaryo viloyatida,
- 2 nafari Surxondaryo viloyatida,
- 1 nafari Xorazm viloyatida,
- 37 nafari Toshkent viloyatida,
- 227 nafari Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Shuningdek, 1 nafar koronavirusga chalingan bemor vafot etib, kasallikdan vafot etganlar soni 636 nafarni tashkil qildi. 16 aprel kuni O‘zbekiston xalq artisti Mirza Azizov vafot etgani, u Zangiotadagi shifoxonada davolanayotgan bo‘lgani haqida xabar berilgandi.
Kecha kun davomida:
- Buxoro viloyatida 11 nafar,
- Qashqadaryo viloyatida 1 nafar,
- Namangan viloyatida 8 nafar,
- Sirdaryo viloyatida 4 nafar,
- Farg‘ona viloyatida 7 nafar,
- Xorazm viloyatida 6 nafar,
- Toshkent viloyatida 28 nafar,
- Toshkent shahrida 124 nafar bemor tuzalib, kasallikdan sog‘ayganlar jami 83838 (+189) nafarga yetdi va sog‘ayish ko‘rsatkichi 97 foizni tashkil qilmoqda.
Ayni paytda tibbiyot muassasalarida davolanayotgan bemorlar soni 1864 nafarga yetgan, shundan 238 nafari og‘ir, 109 nafari esa o‘ta og‘ir ahvolda.
