Namanganda ilk «Gul bayrami»  qachon o‘tkazilgan? «Gullar karvoni»-chi?

1961 yil 19-20 avgust kunlari Namanganda ilk gul bayrami – «Gul vistavkasi» bo‘lib o‘tgan. 

O‘shanda bog‘ radiouzelida «Gul va gullar bayrami» degan maxsus eshittirishlar tashkil etilgan.

Shahar markaziy shifoxonasi, energokombinat, 2-paxta tozalash zavodi, 3-maktab, yosh texnik va naturalistlar stansiyasining ko‘rgazmalari e'tirof etilgan. 
Bu vaqtda Namangan shahar rahbari Zohidjon Yo‘ldoshev edi.

Gullar bayrami tarixida «GAZ-21» avtomashinalarida gullar karvoni uyushtirilgani ma'lum. Ammo haqiqiy ma'nodagi gullar festivali keyingi 2018, 2019 yillarda o‘tkazilgan. Chinakam gul karvonlari ham shu yillarda namoyish etilgan. 

O‘sha paytda O‘zbekistonda ishlab chiqarilgan avtomashinalar, qishloq xo‘jaligi va xizmat ko‘rsatish texnikalari anvoyi gullar bilan bezatilgan edi.