To‘ra Bobolov MMA musobaqasida muxlislik qilgani aks etgan video tarqaldi

Viloyat hokimi aralash jang san'atlari bo‘yicha musobaqani kuzatish uchun tashrif buyurdi. Internetda tarqalgan videoda u o‘zi muxlislik qilayotgan jangchiga raqibga tizza bilan zarba berishni aytadi va jangchi shu harakatni amalga oshirgach, raqibi taslim bo‘ladi. 

To‘ra Bobolov MMA musobaqasida muxlislik qilgani aks etgan video tarqaldi

👉 https://t.co/z9HEgE71b0 pic.twitter.com/keyRxVJgJv

— Kun.uz (@KunUzNews) May 30, 2021

Kun.uz mazkur musobaqa qachon va qayerda bo‘lib o‘tgani haqida izoh olish uchun viloyat hokimligi axborot xizmati bilan bog‘landi. 

Hokimlik matbuot xizmati rahbari Zaxriddin To‘rayev bu borada aniq ma'lumot bermagan bo‘lsa-da, hokimning sport bilan do‘st ekanini, tarqalgan videoda esa noo‘rin biror jihat yo‘qligini ta'kidladi.

Kun.uz manbasining tasdiqlashicha, shu yil 22-23 may kunlari Termiz shahridagi majmualardan birida sportning aralash janglar san'ati turi (MMA) bo‘yicha viloyat hokimi turniri bo‘lib o‘tgan. Tarqalgan tasvirlar katta ehtimol bilan o‘sha musobaqadan olingan.